Versione :

Ducumentu
Biagio GUERRERA

Puemi è canti di una vita

Biagio Guerrera hè natu in u 1965 à Catania, cità duv’ellu campa. Hà studiatu u cantu cun Michiko Hirayama, è porta da anni attività di operatore culturale è edituriale in campu musicale, teatrale è pueticu (per indettu: Associazione Musicale Etnea, Festival Internazionale di poesia Voci del Mondo, Leggerete, Sabir). Guerrera hè trà quelli chì fecenu u cullettivu artisticu Famiglia Sfuggita, creatore di  “Idda” (Il Girasole, Valverde 1997), opera presentata in anteprima in u 1992 à Santarcangelo dei Teatri. Hà cuntinuatu cun: Cori niura spacca cielu (Mesogea, Messina 2009), è Amàri (Mesogea, Messina 2014). Cù u gruppu musicale “Dounia” è u pueta tunisianu Moncef Ghachem hà publicatu Dalle sponde del mare bianco (Mesogea, Messina 2003). Cun M. Ghachem è a pocket Poetry Orchestra, hà firmatu Quelli che bruciano la frontiera (Folkstudio ethnosuoni, 2011). U so interessu pè  a lingua siciliana l’hà purtatu à cullaburà cù u dramaturgu Carmelo Vassallo è à travaglià nantu à scritti di Salvo Basso e Nino De Vita. Sò nati cusì spetttaculi stratti da opere puetiche è in particulare “Idda”, “L’incittà”, “’U spavintapàssari”, “Le vecchie e il mare”, “Nenti sutta u suli nenti subbra”.

Festivale VOCI DEL MONDO

U Festivale Internaziunale di Puesia Voci dal Mondo hè natu in u 2004, indrentu à u prugettu più largu chjamatu ETNAFEST, da un’idea di Angelo Scandurra è messa in anda cun Biagio Guerrera è Giovanni Miraglia.

Da a prima edizione, dedicata à u Mediterraneu, issu Festivale catanese di puesia si hè caratterizatu circhendu à lucalizà e diverse realità puetiche di u mondu –cù una primura pè e lingue dette chjuche è a dimensione urale di a puesia. Da u 2006 u festivale hè urganizato da l’Associu Leggerete.

In sti anni quì – da u 2009 u Festivale hè suspesu per mancanza di fondi – si sò pussuti sente, in viva voce mentre mentre chì e traduzzione in talianu eranu pruiettate nantu à un scraniu maiò, i versi di:

Mimoza Ahmeti, albanese; Marigo Alexopoulou, grecu; Anna Aguilar Amat, catalanu; Bernardo Atxaga, bascu (Spagna): Sujata Bhatt, inglese, (India); Xavier Rodriguez Baixeras, galizianu (Spagna); Yves Bergeret, francese; Ana Blandiana, rumenu; Lev Berinski, yddish (Moldavia/Israele); Rosa Alice Branco, purtughese; Michel Cassir, francese (Libanu); Louis-Philippe Dalembert, francese (Haiti); Katarina Frostenson, svedese; Moncef Ghachem, francese è tunisianu (Tunisia); David Greenslade, gallese; Adrian Grima, maltese; Sinan Gudžević, serbocroatu; Tony Harrison, inglese; Tsjêbbe Hettinga, frisone (Paesi Bassi); Ani Ilkov, bulgaru; Emilio Isgrò, talianu; Jochen Kelter, alemanu (Svizzera); Miroslav Košuta, sluvenu (Italia); Cecilie Løveid, nurvegianu; Alberto Masala, sardu; Maram al Massri, arabu (Siria); Jarosław Mikołajewski, pulunese; Juan Octavio Prenz, spagnolu (Argentina); Kateřina Rudčenková, ceccu; Margara Russotto, spagnolu (Italia, Venezuela); Eloy Santos, spagnolu; Endre Szkárosi, ungherese, latinu; Faisal Taher, arabu (Palestina), Habib Tengour, francese (Algeria); Ghjacumu Thiers, corsu: Hassan Teleb, arabu (Egittu); Søren Ulrik Thomsen, danese; Ronny Someck, ebraicu; Willem van Toorn, olandese; Mehmet Yashin, turcu (Cipru); Oksana Zabuzhko, ucrainu.

I cuntatti stabiliti à traversu u Festivale anu, dinù elli, prudottu varie iniziative, cumu a publicazione di trè antulugie/catalogu; a publicazione di u vulume Comunità dei vulcani quaternu siculopulunese di puesia (GBM/Leggerete, Messina, 2006) presentatu in Sicilia è Pulogna; u vulume Dalle sponde del mare bianco, puesie di Moncef Ghachem, musiche di i Dounia (Mesogea, Messina, 2003) è a pruduzzione di e letture-spettaculi Quelli che bruciano la frontiera, (CD, Ethnosuoni, Casalemonferrato, 2011); u vulume La traversata decisiva di Habib Tengour (Altavoz, Caltagirone, 2006), e duie residenze di creazione di Yves Bergeret in Sicilia è e duie mostre nate in cullaburazione cù i ceramisti di Caltagirone, (Il mare parla, catalogu di a mostra, Leggerete, Catania, 2007). Sempre in a stamparia di Mesogea hè esciutu in u 2008 u vulume di Ronny Someck Il bambino balbuziente.

 

quelli che bruciano la frontiera: https://www.newfolksounds.nl/moncef-ghachem-biagio-guerrera-pocket-poetry-orchestra-quelli-che-bruciano-la-frontiera/recensies/2012

 

Biagio Guerrera (foto di Giulia Piccione)