Versione :

Ducumentu
Benito Merlino

PER LUIGI SALVATORE... BENITO MERLINO,

 

 «Addiu isula mia scogghiu filici penzu lu nomi tô e nun haiu paci

nun mi ricordu mai nenti ti fici picchi mi mostri stu cori tinaci»

 

BENITO MERLINO,

Pueta è cumpusitore eulianu, natu in Filicudi in a pruvincia di Messina si primureghja di a cultura musicale tradiziunale, a mimoria è l’usi, i miti è legende di a Sicilia di una volta, quella di i paesi è di a pesca, u filà è u riccamu. È ne canta a speranza cù a so voce roza cum’è petra piumicia. Eccu a terra di Eole, diu di i venti cù l’aranci in u sole, l’alivi d’argentu, i golfi di azuru, e grotte di alume è i giardini di curallu. Eccu la, a Sicicilia di u “Gattupardu”, ferma, eterna è chì sorge da i so canti cum’è un tesoru da u mare. Ci porghje “l’altra” Sicilia in e so canzone impastate à lume è à ventu chì ci ribomba una civilizazione chì hà sulcatu mari, strattu petra piumicia è cultivatu l’alivu. Hè un artisgianu veru chì cù e so note pittura è sculpisce è zucca u mutà di e stagione, u rispiru marinu è i vulcani inzergati. Hà travagliatu cù Atahualpa Yupanqui, Ugo Ronfani, Lanza del Vasto. Cun Brassens è Brel ci avianu l’amicizia… Hà purtatu in Francia, chì era ancu mariunettistu, “l’Opera dei Pupi”, a canzona di Urlandu ed e legende carulinge firmate ottu seculi in Sicilia... Cumpone musiche pè i filmi, face riporti pè a telè è traduce, pè e Presses de la Cité i scrittori maiò di l’Italia.