Versione :

Ducumentu
Isule eolie - Lipari

LIPARI 12 Monte Pelato

LIPARI 12 Monte Pelato

ISULE EULIANE

Monte Pelato

 Lipari

Lipari, prima chjamata Meligunis, hè l’isula più maiò è più pupulata di l’arcipelagu. Hè dinò a capitale. Di fatti fora di Salina chì hè indipendente, tutte l’altre isule facenu parte di a cumuna di Lipari. Da sbarcà in Lipari ci sò duie calate vicinu à a furtezza. L’hydrofoils accostanu in Marina Corta, invece i ferry-boats à a calata di Sottomonastero. Traversa l’isula un stradone incatramatu è un’intrecciu tamantu di chjassi è stradelle pè i carretti. Lipari hè u centru è si stende trà dui golfi pittureschi : Marina Corta è Marina Lunga, è po ci hè una parte di e case aggruppate in giru à a furtezza.

Lipari hè l’isula più cumplessa in quantu à a geulugia è a vulcanulugia. A parte più antica hè fatta di ruine di strati vulcanichi chì eranu à punente di l’isula è facenu i Timponi, Monterosa è altri dinù. Dopu à issa prima epica di eruzzione intense ci hè statu un’arretta longa di l’attività vulcanica.

U secondu periudu hè signatu da u stratu vulcanicu di Sant’Angelo. I vulcani di u terzu periudu anu lampatu e petre vulcaniche chì anu creatu i domi, è trà quessi quellu di u monte Gallina. Dopu à un’arretta longa, l’attività vulcanica hè turnata à vene in a regione norduccidentale è hà fattu scoli di ossidiana. I studii datanu à l’ottessimu seculu d.G.C. l’ultima eruzzione di u Monte Pelato, cù u scolu di ossidiana di e Rocche Rosse. Quessa hà rimessu un stratu fine di petra vulcanica nantu à e ruine rumane di i seculi IV è V d.G.C., cunservate in u quartieru Diana è ind’è l’acropuli di Lipari.

L’isula hà fenomeni endogeni cum’è i fumaroli, i sulfata         ri è e surgente termale. I fumaroli più impurtanti sò quelli di Bagnosecco; e surgente termale ci sò vicinu à Bagnicello, à Fontanelle, à Pietre di Fuardo, ma e più impurtante sorgenu in San Calogero, sottu à Castellaro è vicinu à u portu (Pignataro). L’acque di San Calogero, assai efficace, l’usanu assai per fini terapeutichi da l’antichità. Ci hè una grotta di sudazione chjamata «a stufa», vicinu à e surgente; hè una custruzzione rumana ch’omu hà inseritu in un stabilimentu balneare fattu in u 867.

In u 1872 u sapiente Arrosto fece e prime analisi di l’acqua di isse surgente, è dopu vensenu Gabella (1907) è po dopu Irrera è Labruto (1933). À sente ad elli, isse acque sò u tipu ipertermale, salso-sulfate-bicarbonate-sodicu à temperatura vicinu à 60°C. Lipari, per via di u so clima dolce è u celu serenu, hè d’invernu una stazione climatica di incanti è d’estate diventa una bella stazione di bagni. Basta à ammintà quella passighjata à i Quattrocchi, chì da custì hè una maraviglia di culori, golfi  da pinghje inturniati di rocche è puntali fini chì si spechjanu in u mare. In fondu, cum’è un decoru, l’isula di Vulcano, cusì suttile è chì lampa un filu di fume da compie a bellezza di issu spettaculu.

À chì atteppa nantu à u monte Pelato pò fighjulà u Campo Bianco (tamanta spelonca particulare, candida cum’è a neve) è po i scoli di ossidiana di Sparanello è di Rocche Rosse. Un’altra ascensione primurosa porta à Quattropani è à e coste di Mazzacaruso. Custindi i Grechi lampavanu i criaturi chì avianu nascendu qualchì malfurmazione ; in Grecia dinù ci sò i ‘timponi’ o puntali chì ti anu u stessu nome.