E UN GIORNO SARAI UN'ISOLA

(È un ghjornu sarai un’isula)

Trà Alcudi è Palermu un’ottesima isula si face. Sottumare hè digià alta 1500 metri… ma i geologhi ùn sanu s’ella nascerà dumane, o frà dece anni, o puru mille.

«Figliola di a timpesta
È figliola di u ventu
Sì propiu un vulcanu
Di un tempu landanu

È ne cresci serena
Cumu l’arburu fiurisce
Rambella curallina
Di culori trapiena

Un’uchjata di celu
Sbucciata à u marinu
Tesoru ghjuntu à gallu
Di un’alba à u nasce

Silenziu di u focu
Chì empie a matina
Quandu u sole ne splende
È traccia u so caminu

Un ghjornu à l’impruvisu
Di rocca è d’ossidiana
Spuntarà u to visu
Tissutu d’azurinu