Versione :

Ducumentu
Giovanni Miraglia

INTERVISTA GIOVANNI MIRAGLIA

 

Giovanni Miraglia  conta l’iniziativa “Voci del mondo” è cum’ellu hè urganizatu u Festivale Etnafest issu anu 2004, cun 18 poeti venuti da a vasca mediterranea da fà vede è sente à u publicu catenese a divizia è a primura pè a varietà di e lingue è di i soni puetichi quandu i varii populi si sprimenu, malgradu a preputenza di e lingue preduminante. Parla di a centralità geugrafica di a Sicilia da locu di scontru ideale in u Mediterraneu. Conta dinù cum’ellu hè statu toccu da l'abbracciu trà Ronni Someck (Israele)  è u palestinianu Faisal Taher di u gruppu musicale Dounia.

 

Giovanni Miraglia  (natu in Catania, 1957) hè bibliutecariu à l’Archivio di Stato di a so cità. Hà messu inseme l’attività di traduttore è quella di urganizatore culturale. E so primure maiò vanu ver’di a traduzzione, intesa sia in sensu strettu, sia, in sensu più largu, cume pussibilità di cunfrontu cun l’alterità estetica è culturale. Issu tema hè statu affruntatu in modu praticu, cù un’attività permanente di traduttore da u francese, l’inglese, u corsu, u catalanu è u yiddish; ma dinù in modu teoricu, curendu è cuurdinendu occasione di riflessione cullettive, o prupunendu e riflessione sputiche soie.

In più di quessa hà cuncepitu è curatu e racolte Poesia della Voce/Voci della Poesia e Flatus Vocis; è dinù, dimu la torna, u festivale internaziunale di puesia Voci del Mondo, cun Biagio Guerrera ed Angelo Scandurra. Giovanni Miraglia hè licenziatu in Scenze Pulitiche. Creatore è animatore di diversi festivali internaziunali di puesia; da u 2003 à u 2010 hè statu in più rispusevule di e pagine culturale di  “L'isola possibile”, supplementu misincu sicilianu di Il Manifesto”.

 

Traduzzione:

  • Guillaume Apollinaire, Cronache libertine, Biblioteca del Vascello, Roma 1991.
  • Valery Larbaud, Color di Roma, Biblioteca del Vascello, Roma 1992.
  • Joan Perucho, Giorni di Sicilia e di Germania, Il Girasole Ed, Valverde (CT) 2003.
  • Santo Calì, La Ballata di Yossiph Shyryn, Arci Sicilia, Palermo 2003, (a cura di N. Scammacca e G. Miraglia).
  • Ghjacumu Thiers,  Poesie in “Voci del Mondo 2004” – Festival Internazionale di Poesia – Voci del Mediterraneo, Azienda Provinciale Turismo, Catania 2005; (a cura di B. Guerrera, G. Miraglia, A. Scandurra).
  • Lev Berinski, La Mikva di Rendsburg (tradotto assieme a M. Depner) in “Voci del Mondo 2005”… L’Europa centrale e dell’est…, A.P.T.,  Catania 2006; (a cura di B. Guerrera, G. Miraglia, A. Scandurra).
  • David Greenslade, Uccidendo serpenti, in “Voci del Mondo  2006”… – L’Europa atlantica e del nord A.P.T.,  Catania 2007, (a cura di B. Guerrera, G. Miraglia, A. Scandurra).
  • Sébastien Charles, L’ipermoderno spiegato ai bambini. Lettere sulla fine del postmoderno. Bonanno, Acireale-Roma, 2009.