Ducumentu
Introitu è carte
![Frana Frana](https://interromania.com/sites/default/files/styles/image_548xx/public/frana-google-maps-624x300.jpg?itok=sFgqlxnZ)
Frana
A - INTROITU
Bona, sapete ciò ch’è no puderiamu fà?
Ci circhemu una scusa è pratendimu ch’è no avemu da studià una particularità geulogica. L’Etna casca à tappu casca... Issu Vulcanu non solu hè quellu più attivu d’Europa ma hè ancu significativu di a doppia natura d’issi fenomeni eruttivi. Spiichemu ci, postu ch’ellu ci vole: hè vera ch’elli sò flagelli ma hè strana ma sò ancu benefichi... À pena di pazienza. Si viderà in cor’di a nostra passighjata in issu locu di muntagna, ma ancu in e piaghje è cuntornu chì li stanu da vicinu. È ancu à vicinu hè una manera di dì chì, in fatti, ancu e terre luntane ne ricevenu danni ma puru prufittu...
B - INTROITU
Un Corsu, s’è vo li dumandate d’induv’ellu hè, centu per unu... vi hà da risponde cù u nome di a so cità o paese nativu. Hè rara ch’ellu dica subitu “Sò corsu” o “Sò di Corsica”.Ch’osinnò dicerà di chì pieve ellu hè, ellu è a so famiglia. È puru e pieve, hè un pezzu ch’elle sò state rimpiazzate da i nomi amministrativu di i cantoni. In Sicilia, e so regione, e pruvince, sò state abrugate in un prugettu di lege in u 2013. È puru ùn sarà faciule à squassà l’usu. A ghjente vi dicenu: “Sò di Catania”, o Agrigente, o di un altru locu cù u nome di a pruvincia. Di fatti sò nove e pruvince siciliane. Agrigente, Caltanissetta, Catania, Enna, Messina, Palermu, Ragusa, Siracusa, è Trapani. Per sta volta, ùn andaremu in ogni locu. È ci faremu solu un’affaccata. È a ci allungaremu à pena di più quì o culà.