Angelo SCANDURRA

Hè natu in u 1948. Da giovanu giovanu hà fattu vede assai primura pè a cultura, urganizendu varii avvenimenti artistichi è suciali è trà quessi u premiu pè a Vita e l’ l'Estateteatromusica. Diplumatu in lettere muderne in u 1985 cù altri amichi intelettuali hà creatu a rivista Il Girasole. Mensile di cultura. In u 1986 fonda l’edizione Il Girasole, chì publicheghja più di centu libri di puesia, prosa ed assaghji firmati da impurtanti autori taliani è furesteri. À cantu à quessa, mette à scrive puesia è altru. Trà i so libri editati ancu in Svezia, Stati Uniti è Spagna, ammintemu : Fuori dalle mura (1983), L'impossibile confine (1989), Trigonometria di ragni (1993), Appunti per un colloquio forzato (2000, da duv’ellu si hè fattu un testu di teatru: Per un colloquio forzato) è Quadreria dei poeti passanti (2009). Da u 1994 à u 2003 hè statu merre di Valverde (CT), cumuna duv’ellu stà oghje. Da u 2003 à u 2009 hè stato direttore artisticu di a sezzione arte di "Etnafest", scontru internaziunale di arte, sinemà è musica.

ANGELO SCANDURRA PARLA DI A MOSTRA

"LO SCIROCCO E L'ETNA" VOCI E FORME IN CATANIA IN U 20^o SECOLO

Sta mostra nasce da l'idea di vulè fucalizà un periudu storicu di Catania à traversu i so rapresentanti di a puesia, di a literatura, di a scultura è di a pittura. Era un periudu particulare per via chì tandu Catania campava cun fervore un estru artisticu forte. Era a Catania di u Circolo Artistico, di u caffè literariu, duv’elle nascianu riviste impurtante. Era u periudu di u dibattitu postu da u futurisimu chì avia vistu ancu à in Catania diversi prutagunisti indiati. Un dialogu duv’elle si scuntravanu varie spressione artistiche. I Siciliani sò un pocu tutti di l’isule, ma di l’isule chì riescenu quantunque, forse ancu senza accorghje si ne, à creà arcipelagu chì hà una cunutazione sputica soia. È quessa hè stalvata, in modu cuscente o micca, in u periudu trà l’anni '40 è l’anni '60. Tandu l’artisti è i literarii travagliavanu nantu à Catania, magari di passagiu perchè chì ferma indispensevule per noi isulani d’avè punti di cunfrontu aldilà di l'isula. Ma in Catania ci era issa istanza culturale chì vulia accertà l’individualità propiu di soiu. In fatti per mutivi geugrafichi, culturali. per ragione cuntingente. Per ragione ancu ligate à e cundizione ecunomiche. Credu chì parechji d’issi artisti, s’elli avessinu avutu a pussibilità di stà di più tempu in altri lochi invece di turnà in Sicilia per mutivi pratichi cum’è mantene a famiglia per esempiu, i risultati à livellu di l’affirmazione sarianu stati più larghi.