Spassighjata

Trà filicaghje è fole
spassighjate in Corsica

Eccu, site nantu à u chjassu di u nostru prugettu SPASSIGHJATE. Duve vo pedighjate avà, sò i primi passi. U tragettu sarà cortu cortu o propiu longu, à parè vostru. Noi, u fiatu l'avemu da andà sinu à u termine, bench'ellu si sappii chì qessu u puntu, più si và è più si alluntana.

Siasi chì siasi, issu orizonte, l'emu vulsutu di piacè è speremu di ùn esse ci sbagliati... A ci dicerete voi, longu à u chjassu è aspettemu e vostre reazzione à l'indirizzu mail di l'ASSOCIU CCU: asso.ccu@wanadoo.fr

Hè u nostru partenariu chì ci accoglie quì, nantu à u so situ INTERROMANIA: www.interromania.com

A marchja, a spassighjata, l'attippà nantu à e nostre custere o più insù in muntagna, si sà di prima ch'elli sò una campa per l'ochji, a mente è a persona fisica, ùn vale a pena à ramintà la...

In più avemu pensatu ch'ella era ancu un modu d'allargà l'azzione d'amparera linguistica in una pruspettiva plurale. Cusì si tene sempre u filu di a furmazione in lingua corsa appughjata nantu à parechji puntelli pedagogichi è culturali.

Si tratta di prufittà di l'andatura iniziata cù u metudu d'amparera oramai cumplettu (livelli 1 à 3) “IMPARÀ U CORSU” è di apprufundisce a cunniscenza di u territoriu isulanu è e so ricchezze.

Dunque u scopu hè doppiu:
Ammaestrà sempre di più l'usu di a lingua corsa
Assucià issa pratica linguistica à quella di l'attività spurtive è culturale. Di fatti si pò vede ogni ghjornu chì u sviluppu di l'attività di asgiu è di e discipline spurtive porghje una manera nova di accustà i siti da rimarcà si in u territoriu corsu.

Si pensa cusì, per mezu di l'attività didattiche, pedagogiche è culturale, di purtà ancu un aiutu cuncretu quand'ellu si tratta d'accuzzà a primura eculogica in particulare pè i varii publichi giovani.

Sti pochi mesi l'Associu corsu di l'IITM hà avutu parechji cuntatti chì ci permettenu di prupone un'azzione cun dui aspetti cumplementarii

A) I CHJASSI DI E

Issa pruspettiva vole mette in ballu, pè unepoche di e spassighjate corse, una guida bislingua corsu/francese (è speremu dopu di fà la ancu trislingua aghjunghjendu a versione inglese).

U nostru itinerariu, per stu pocu, si hà da arrimbà nantu à :

L'adopru di una trentina di cronache esciute in a stampa corsa durante l'estate 2017. Sò quessi i settori visitati assai. Ponu custituisce una basa da allargà si di più cù altri cumplementi.
L'arrigistramentu vucale di l'itinerarii à pedi pruposti in versione bislingua.
L'implicazione di giovani è più maturi chì ci anu portu a so voce da realizà l'arrigistramenti sunori è/o e sequenze filmate richieste da e scelte fatte.
L'illustrazione d'isse « spassighjate » cun piani visuali (cumpresu e videò filmate in vista aerea).

Alè, andate puru, è gudite vi u piacè d'isse spassighjate....

B) E PASSIGHJATE PEDAGOGICHE È LITERARIE

L'altru latu di u prugettu hè una tappa in custruzzione. Si prupone di sfruttà l'aspetti culturali è pedagogichi chì sò capaci à sviluppà travagli in cumunu è individuali, attività di gruppu è spressione d'affirmazione persunale.

Si pensa à varie applicazione in ambiente sculare è in particulare cun l'insignanti è cunsiglieri pedagogichi di a Corsica sana. Dettu in parolle generale si tratta di :

Studiu è animazione in lingua corsa à parte si da legende ligate à certi siti ammintati in “I CHJASSI DI E SPASSIGHJATE” (guardà sopra)
Creazione di testi literarii (fole è legende) à parte si da i siti ammintati in “I CHJASSI DI E SPASSIGHJATE” ma chì à prima vista ùn ci hè tradizione di fole nè scritta nè à bocca.
Creazione di testi (qualsiasi u generu literariu), baratti è coaching (in presenza cù attelli di scrittura è spressione, o à distanza cun l'arnese è puntellu numericu)
Rapresentazione teatrale, arrigistramentu è publicazione di e creazione ch'ellu parerà utile di trasmette.

Per l'inseme d'isse azzione si puderà mette in opera l'aiutu di u campus universitariu di Corti è e cunvergenze è partenariati chì esistenu cun l'Associu corsu di l'IITM.

Cù a realizazione d'issu prugettu si puderà ottene un inseme ducumentariu è didatticu attu à interessà un publicu largu in parechji modi: attività culturale è artistiche, animazione pedagogiche, accosti plurilingui, cuuperazione cursofune, attelli è baratti, ancu à distanza per mezu sempre di u situ www.interromania.com chì accoglie sta rubrica di u prugrama SPASSIGHJATE.

Traduzzione

Au milieu des fougères et des fables
des randonnées en Corse

Vous voici sur le chemin de notre projet SPASSIGHJATE. Vous êtes en train d'y faire vos premiers pas. Le trajet sera très court ou vraiment long, à votre guise. Quant à nous, nous avons le souffle nécessaire pour aller jusqu'au bout, bien que l'on sache que ce point-là s'éloigne d'autant plus qu'on s'en approche. Quoi qu'il en soit, nous avons voulu que cet horizon soit fait de plaisir et nous espérons ne pas nous êtres trompés… Ce sera à vous de le dire en cours de route, et nous attendons vos réactions à l'adresse asso.ccu@wanadoo.fr. C'est le partenaire qui nous accueille ici, sur son site www.interromania.com On sait que la marche, la randonnée, l'escalade sur les flancs de nos montagnes ou plus haut vers les cimes sont avant tout un régal pour les yeux, l'esprit et le corps ; inutile de le rappeler... Nous avons aussi pensé que c'est également un moyen d'élargir le champ d'action pour l'apprentissage linguistique dans une perspective plurielle, en gardant toujours la voie de la formation en langue corse grâce à plusieurs ressources pédagogiques et culturelles.

Le but est de profiter de la démarche entreprise avec la méthode d'apprentissage (niveaux 1 à 3) IMPARÀ U CORSU, et d'approfondir la connaissance du territoire insulaire et de ses richesses.
Il s'agit donc d'une visée double:
Maîtriser toujours davantage la pratique du corse
Associer à cette pratique de la langue celle des activités sportives et culturelles. On peut en effet constater chaque jour que le développement des activités de loisirs et de disciplines sportives offre un moyen original d'approcher les sites remarquables du territoire corse.
Ainsi, grâce aux activités didactiques, pédagogiques et culturelles on pense pouvoir apporter un soutien concret quand il s'agit d'aiguiser le souci écologique, en particulier chez les publics jeunes.

Ces derniers mois l'Associu corsu di l'IITM a eu plusieurs contacts qui nous permettent de proposer une action offrant deux aspects complémentaires.

A) LES CHEMINS DE RANDONNÉES

Cette perspective entend mettre en chantier pour quelques-unes des randonnées corses un guide bilingue corse/français (et nous comptons, par la suite, le réaliser également en trois langues en y ajoutant l'anglais). Pour le moment, notre itinéraire s'appuiera sur :

L'utilisation d'une trentaine de chroniques publiées dans la presse corse durant l'été dernier. Il s'agit de secteurs très visités. Ils peuvent constituer une base qui pourra s'élargir avec l'ajout d'autres compléments
L'enregistrement vocal des itinéraires pédestres proposés en version bilingue
L'implication de jeunes gens et de personnes plus âgées qui nous ont offert leurs voix pour réaliser les enregistrements des séquences sonores et/ou des séquences filmées adaptées aux choix que nous avons retenus
L'illustration des ces « spassighjate » avec des plans visuels (incluant aussi des vidéos de vues aériennes).

Bon, allez-y et goûtez le plaisir de cette randonnée

B) LES RANDONNÉES PÉDAGOGIQUES ET LITTÉRAIRES

L'autre aspect du projet est une étape en construction. Elle se propose d'exploiter les aspects culturels et pédagogiques susceptibles de développer des travaux individuels et collectifs, des activités de groupe et l'affirmation d'expressions personnelles.

On songe à diverses applications en milieu scolaire et en particulier en collaboration avec des enseignants et conseillers pédagogiques de Corse. De manière générale il s'agit :

D'animations et d'études en langue corse sur la base des légendes liées à certains sites évoqués dans “I CHJASSI DI E SPASSIGHJATE” (cf.supra)
De créations de textes littéraires (contes et légendes) à partir des sites évoqués dans “I CHJASSI DI E SPASSIGHJATE” mais à première vue dépourvus de tradition légendaire écrite ou orale.
De créations de textes (quel que soit le genre littéraire), discussions et coachings (dans des ateliers d'écriture et d'expression ou à distance grâce aux moyens du numérique)
De représentations théâtrales, d'enregistrement et publication des créations qu'il paraîtra utile de diffuser.

Pour l'ensemble de ces actions on pourra mettre en œuvre l'aide du campus universitaire de Corti sur des points communs et les partenariats existant avec l'Associu corsu di l'IITM.

Avec la réalisation de ce projet on pourra obtenir un ensemble documentaire et didactique susceptible d'intéresser un large public de plusieurs manières: activités culturelles et artistiques, animations pédagogiques, approches plurilingues, coopérations corsophones, atteliers et échanges, y compris à distance par l'intermédiaire toujours du site www.interromania.com qui accueille la présente rubrique du programme SPASSIGHJATE.