U rifugiu di Carrozzu pè a furesta di Bonifatu
![](https://interromania.com/sites/default/files/styles/image_548xx/public/bonifatu-026.jpg?itok=XNeMoHiG)
Andate nantu à e tracce di u GR20 da ghjunghje subitu à u secondu rifugiu di issu famosu percorsu passendu pè una vegetazione da stà ne à bocca aperta.
U so nome pare ch’ellu vole dì a furesta di l’azzione bone. À una vintina di chilometri da Calvi, ingarà si nantu à u parcheghju di a casa furestiera è cusì omu si passerà a ghjurnata in un pinetu magnificu di larici.
Di prima si và in direzzione di u rifugiu di Carrozzu à 1260 metri, un rifugiu chì si và dinù nantu à u GR 20. U chjassu piglia à l’insù è nantu à duie varghe franca i guadelli di Meta di u Filu è A Spasimata. A vegetazione ùn hè più listessa chì si atteppa sempre di più. Di quandu in quandu, qualchì uchjata in u frundame permette di ammirà i pentoni di teghje di culori varii, e cime à l’intornu è certe volte, luntanu, ancu u mare...
Si aspetterà di esse à nantu à a terrazza di u rifugiu da pudè prufittà di a vista nant’à u situ.
Dopu à un’arretta corta, a passighjata si pò ripiglià, ver’di a varga ch’ellu hà fattu cunnosce u filmu “Les randonneurs”. Si marchja dece minuti è tandu u chjassu s’apre nantu à duie piscine naturale magnifiche. U locu hè perfettu da fà ci a merendella è, di sicuru, ciuttà si in issa onda limpida.