Bonifaziu è Capu di Fenu

Scopra u più suttanu

Le phare de Feno

Le phare de Feno

Propiu vicinu da Bonifaziu, pidiati nantu à un chjassu chì ùn hà ch'un patronu : a machja. Toccu u puntu ultimu, ghjunghjiti in i cali beddi da creda si in paradisu… Si parti da u Rumitoriu di A Trinità à 200 m in altu. Da quì a vista hè splendida. Di prima nant’à Bonifaziu è a so rocca, ma ancu nant’à a Sardegna vicina vicina. Sò parechji i chjassi à dispusizioni partendu da u Rumitoriu. Quì, si sciddarà di tuccà u faru di Fenu è dopu di vultà pà u lidu di Paragan. A machja hè bassa è parmetti di goda si un panorama propiu da stà à bocca aparta. Tutti i muschi si accoddenu insemu in issu paisaghju magnificu.

Ci sò solu i rusceddi chì zifranu u chjassu è vi incroscianu i calzi à ramintà chì vo seti sempri d’invernu. Inghjiru à u faru a costa hè sculpita da pintoni granitichi cù i formi strani. Dopu, ci hè qualchì lidu fattu da a rena aghjumiddata si. Dopu, u chjassu và sinu à u faru di Fenu inauguratu in u 1874. Inghjiru, tuttu hè assistatu : scalini, porti, giardinu, fornu è cetera. U parcorsu cuntinuighja trà cali da sunnià, scoddi sfurmati è punticeddi in legnu, sinu à a cala di Paragan. U lidu marinu hè un incantu. Vultemu in daretu da ricuddà sin’à u Rumitoriu, ma s’omu hè più curaghjosu, si pò ancu cuntinuà issa spassighjata sinu à in Bunifaziu.

Tracciatu GPS