Eccu torna ruine chì finiscenu in «U»! ma ancu belle affresche di a fine di u XVu seculu cunservate à bastanza bè.

A cumuna di Castellu di Rustinu prupone un chjassu di scuperta pasturale chì nantu ci sò a cappella San Tumasgiu è e vistiche di u castellu di i marchesi di Massa, Tuscani chì si sarianu stallati à l’XIu seculu da cuntribuisce à difende a Corsica.

A cappella, chì hè stata ristaurata malissimu -un veru desastru- in u 1933 hè à mezu à u campusantu è hà sempre e belle affresche in data di u XVu seculu.

Vicinu, nantu à un pentone ci sò e vistiche d’un castellu di l’Età di Mezu chì tenia una pusizione strategica da prutege a valle di u Golu è l’entre di u Rustinu.

Saria statu brusgiatu in u 1289 è dopu lampatu in pianu durante e rivolte pupulare.

U situ hè assestatu cum’ellu si deve. Ci anu messu pannelli spiicativi è una tavula d’orientazione da guidà à chì visita. Una campa pè i zitelli chì li piace a storia cavalleresca !