Versione :

Ducumentu
A Siclia di i Siciliani

Nant’à l’isula di Vulcanu, nimu si stupisce chì u ghjudice antimafia Giovanni Falcone tombu in u 1992, è u capimafia più altu Toto Riina fussinu stati unu è l’altru in a stessa cità.... Ma Palermu, cum’ellu a scrive u giurnalistu talianu Gian-Paolo Accardo “u secretu più tenutu di Palermu  ùn hè a Mafia chì u si tene.” Ci vole nanzu à circà lu da a banda di i Quattro Canti, i quattru quartieri storichi di a capitale di a Sicilia duve Gian Paolo hà sceltu di passighjà si la cù u scrittore palermitanu Roberto Alajmo.

L'architettura arabonurmanda di Palermu hè fatta da una catena di casali è munimenti apparinati cun cuncetti è carattaristiche decurative ghjunti da un mischju di culture. A storia di a Sicilia ci conta un’infilarata di rè cun l’origine ed e culture varie assai. À influenzà assai a Sicilia, hè stata a  cunquesta islamica (827-1091) di u territoriu cunnisciutu oghje sottu à u nome d’Italia è diventatu dopu à a cunquesta, u Regnu anglonurmandu (1071-1194). Tuttu issu muvimentu si hè fattu includendu dinù l’influenze bizantine è l’inseme hà datu una cultura multietnica chì hà vistu e culture occidentale ed islamiche intriccià si ind’è l’arte, è l’architettura, trà mezu à tanti altre cose.

Allora, u secretu di Palermu? Tandu hè capita chì u secretu di Palermu hè sanu sanu in issu mischju suttile di i generi ch’elli anu zuccatu l’artisti nantu à i frontispizii di i teatri è di palazzi. Hè una lascita tremenda di un patrimoniu architetturale arabonurmandu, goticucatalanu, baroccu è neoclassicu. Hè quantu à dì una lascita « protoeurupea” da studià si oghje cun tamanta attenzione, da pudè cunnosce u passatu, ma puru da definisce e forme è i cuntenuti culturali di un avvene da fà si…