Di issa epuca, e vistiche più impurtante sò in u parcu archeulogicu di Neapolis, nantu à u cuntinente. Sopra ci hè u teatru grecu, tamantu, finitu in u 474 prima G.C. è chì ci pudianu stà 15000 spettatori. I Persi di Escile fù creatu propiu quì. Durante vinti seculi u teatru grecu hè statu sbandunatu è po hè rinvivitu in u 1914, quand’ellu anu rialzatu a bandera l’eredi di Ghjerone è di Diunisiu. Oghje chì ghjè oghje issa tradizione attira millaie è millaie di spettatori. Venenu da u mondu sanu ad assiste à e rapresentazione di l’opere classiche, mentre ch’ellu ciotta u sole in a baia di Porto Grande.