Versione :

Ducumentu
Sicilia d'oghje

L’iniziative frenate

Spessu l’iniziativa privata hè frenata chì ci hè u mendu di chjamà sempre l’aiutu di u Statu  è po ci hè tuttu l’aggrancu di l’amministrazione è a so burocrazia. Non solu i capi d’imprese di u settore privatu anu pudere pocu è micca, ma i so prugetti ponu esse in periculu. Unu chì vole fà più chè più prestu si intuppa cun l’aggrancu di l’amministrazione è i mendi di a sucetà, e minacce è e pressione di ogni modu.

I marcati publichi impurtanti sò spessu sottumessi à u serviziu resu è a paca à l’insottu. Spessu i cunsigli municipali sò disfatti per causa di curruzzione. In u 1983, cinquemila citadini di Gela sò entruti in merria è anu zingatu focu à i cartulari da prutestà contru à gestione dannifica di a so municipalità. Da più à menu issi fatti sò i segni di e dificultà in e nostre sucetà chì ùn anu pussutu ancu mette in ballu una gestione ammaestrata di un sviluppu ragiunatu è durevule.