pourquoi la montagne
s'est-elle convertie en ombre
qui marche vers mon pied
en lui arrachant le chemin

perché siamo gli esclusi da quello che ci accade

pourquoi mon pied
s'est-il converti en parole
qui s'avance poussant
jusqu'à l'extrémité

è cammino di sintesi fra le voci impedite
scomparse disegnando queste assenze

et pourquoi la parole
s'est-elle convertie en sable
qui monte vers le ciel
comme la fumée

a volte l’acqua scende
e trasporta tutto
bisogna dire qualcosa
se si fa poesia

Viens ici

Contempler le passage des siècles sur la côte

les massives étendues d’interminables falaises de roche polie ou écrite en hyéroglifes de pierre et sable blanc et I’eau limpide jusqu’au fond et là bas des palmiers lointains et fins comme les doigts d’une main de sable qui indique des horizons jusqu’à la mer
Viens ici

où même les voix ont des racines et prennent couleur

Quddiem l-ispiżerija tal-Gvern
jieħdu posthom wara xulxin
il-ħajjiet siekta, abbandunati,
li jgħixu minn pinnola għal pinnola,
minn riċetta għal riċetta,
minn kju għal kju.
Ix-xemx tasal qabel il-ħin,
kif tagħmel is-soltu,
u taħraq iktar mid-darba l-oħra.
Mill-ispiżerija joħorġu jiġru
qishom ambulanzi maħruba
ix-xnigħat dwar pinnoli neqsin,
jew dwar regoli u firem ġodda
li nibtu hu u jitfassal il-kju.

lil Abder

Kif trossha 'l dik il-qalb kbira f’dik il-ruħ magħluba?

lil ħabibi Samir, Berberu Alġerin, waqt gwerra ċivili

F’għajnejh hemm kontinent jissara u jirbaħ,
kulturi jistennew bla kwiet il-waqt,
muntanji siekta jitħejjew għall-baħar,
memorji ‘l hawn u ‘l hemm bħal dwal weqfin.

Bagħtulu nota d-dar u avżawh… inkella…
minn dak il-ħin sar klandestin taż-żmien;
u kulfejn mar
kien bogħod mid-dar
li ma ridhiex,
u riedha.

Samwel, wara sena u nofs

Għax int bi nhar bilfors trid tara l-qamar;
u jien, għax dmiri li nissodisfak,
noffrilek xemx li tfiġġ minn wara sħaba,
imm’ int ma tridx ‘il “din”, int trid ‘il “dak”.

Għalhekk, minkejja n-nhar, tistenna l-qamar,
u jien ġo fija naf li mhux se jfiġġ;
noffrilek nostalġija, qamar kwinta,
imm’ inti tridu issa stess, pariġġ.

Għax int mhux biss bil-lejl trid taħfen qamar,
u jien ma nafx kif se nikkuntentak,
“hemm ġranet mod u ġranet mod”, infiehmek,
imm’int ma tridx diskors, int trid ‘il “dak”.

Minn fejn kull filgħaxija kont inċempel,
f'daqsxejn ta' kamra msaħħna forma t'elle,
imdawra bil-kabini qishom ċelel,
u mżejna sbieħ, kull waħda b'ħabsi mdendel
jiggranfa mar-receiver kollu swaba';
fil-post fejn filgħaxija kont inċempel,
b'dar-raġel twil bid-daqna folta u ħamra,
jitkellem jgħajjat u jinstema' barra;
kien hemm dar-raġel mhux għal kollox magħna,
li kien idawwar sold idur maċ-ċelel,
u jbigħ il-kards bi ftit ċenteżmi fihom
li kien isib u jiġbor minn warajna;
kien hemm min kien jipprova jiżgiċċalu,

F'din l-ewwel skola fil-miftuħ li qatt żort
hawn il-bankijiet u l-istudenti kwieti u ggalbati,
imqegħdin f'ringieli kważi perfetti.
Iżda s-skiet mhuwiex żball,
jew passività, jew ingratitudni lejn l-għalliem.
Li kellhom jitgħallmu tgħallmuh,
u issa jisktu huma biex nitgħallmu aħna
li nduru u nħufu f'dawn il-klassijiet moderni
mingħajr ħjiel, kieku ma jgħidulniex ta' qabilna,
li sibna ruħna fl-aħjar skola possibbli.

L-għada qajmitni x-xita qalila t'Awwissu
li tiġi u tmur biex tħabbar festa li m'għandhiex bżonn tħabbira.
Int għaddejt minn fuqi u ħallejt l-imħabba tqila tiegħek
fejn kont taf li l-ħamrija tieħu l-forma ta' mħabbtek,
u fejn jien ma nixtieq xejn
u ma nsaqsix.
Int imxejt fuq il-ħamrija għajjiena
li xtaqet tieħu forma isbaħ,
imqar għal ftit mumenti li jibqgħu.
Meta nfirxet ix-xita fuq il-persjani
u l-gallarija u l-ħamrija
int kont għaddejt,
imma l-forma ta' mħabbtek kienet għadha fuqi,
tfuħ,
mhux daqs qabel,