U Veranu di i pueti in issu annu 2006 hè statu l’occasione di apprufundisce è rinfurzà u legame pueticu di a Corsica cun l’ambiente di a puesia in generale, in u Mediterraneu è al dilà. Dui scontri impurtanti chì anu fattu assai per fà cunnosce a pruduzzione di quì è mette la in cunfrontu cu l’estru è lingue di altrò.

U mesi di ghjugnu 2005 a noscia puisia era a prima volta ch’idda si facia un’affaccata à u Marché de la poésie, nantu à a piazza Saint-Sulpice di Parighji, a manifistazioni di puisia più maiò di Auropa (600 editori francesi è francofuni, 30000 visitanti, parechji litturi publichi) è masimu l’uccasioni par i pueta di scuntrà si. Quist’annu a puisia corsa era à l’onori dinù idda cun litturi è prisintazioni nant’à a scena di u Marché è da l’animazioni di Nunzia Paolacci di Radio Paese, a radio di a diaspora corsa in Parighji.

U partenariatu cun e JMM hà permessu un scontru interessante è prufittevule in ogni modu. Emilio COCO chì hà assicuratu, cun francescu Micheli DURAZZO, a traduzzione è l’edizione di a versione taliana di l’antulufgia A FILETTA, hà pussutu entre in cuntattu cù i pueti cun quale si era intrattenutu per mezu telematicu in a fasa d’elaburazione.
Sò sempre mumenti di grande cumunicazione quessi custì ! È po hè ancu l’occasione di urganizà animazione cum’ellu si hè fattu issa volta : in Bastia, Bunifaziu è in Corti.