Per mezu di l’impurtante relazione cumerciale ch’ella ti avia Mallorca cù i stati taliani durante u seculu XVI (chì duronu torna à u XVII è XVIII), e nove urientazione architetturale di a Rinnascita taliana ebbenu influenza nantu à a custruzzione di e case signurile maiurchine. Un esempiu hè Can Olesa, ch’ella fece fà a famiglia Descós in u XVI seculu. A facciata presenta a divisione tradiziunale in trè piani è face vede un’urnamentazione ricca di stile Rinnascita. U purtone principale hè di arcu tondu à chjavelli è e finestre à pianterrenu anu e culonne Rinnascita, cun l’anellu in u terzu inferiore. A clastra tocca una bella armunia almanacchendu i varii elementi architetturali è i varii stili artistichi.