Versione :

Ducumentu
Migraturi

BUNIFAZZIU IN CANTU

Studio Fa diese Corsica N°70

12 tituli.

Bunifazziu in cantu : Hè u titulu di u dischettu CD ch'elli anu rializatu "I Gargarozzi" di "Dì ghi di scé". U nome di l'associu è quellu di u gruppu di cantu avertiscenu di entrata ch'ell'ùn si tratta mancu stampa di piattà l'identità di u locu è di cunfonde la cù u restu di l'isula.

Più chè l'altri canti

A greva di i Pialinchi è È mortu l'asetu, I beli festi di A Trinità ammentanu u riferente cù una stratificazione dura è stretta (ricchilpuveretti), e custruzzione tipiche di i "baraccun", a gastrunumia (i mirizani pini), un territoriu trà terraniu è marinu (Sant'Amanza). Simu custì di fronte à un mimuratoghju precisu, ligatu à u stalvatu storicu o i lineamenti etnugrafichi di un rughjone chì si feghja è si rimira cù i so nomi, u so dialettu ligure è e so usanze.

Altru ritrattu, più in distanza cum'è una fidighjata da mare, hè quellu elaburatu, à tratti elementari, in vision d'armunia da G. Fusina, chì face à a cità di sognu a curtesia di a spressione sudista.

M. Ceccarelli hè ghjuntu da Portivechju à fà ancu ellu l'umagiu da vicinu... Una primura incuriusita ("u so stranu parlà") chì canta iode à muni-menti, storia è cuntorni di a "porta di l'Oriente". Via, u discu sanu pudia esse tuttu gloria à  Bunifaziu è sana stata più chè ghjusta. Invece u più di i scritti (di Ciprianu è Alanu di Meglio) sboccanu più in là. U bapu hà cappiatu i so pinnelli è scrive... Scrive cù u figliolu è u figliolu sona è canta... Dicenu u so amore di u rughjone sì, ma i testi innalzanu l'amicizia, a vita, a bellezza, l'armunia, a primura di e cose semplice... Un estru chì si arremba à u lucale ma da cantà l'isula è l'universu. Vicinu, un pocu di latu, discreti ma presenti chì ùn si pò dì, un antru di Bunifaziu, G.M. Comiti è po tutti l' altri amichi di l' associu.

Pudia esse scampanillime campanilistu issu Bunifazziu in cantu s'ellu si era trattatu solu d'innalzà un'identità lucale cù i so particularisimi. Ma hè un innu à a vita cantatu cù a voce una cria arghita di "I Gargarozzi"... È ci piace ch'ella ùn sia, sgualtra in tuttu è d'arte squisita, quella chì assignaleghja i cannelluzzi fini è ripuliti.

 


 

Piscadori p.28

Servici !
i me reti
ùn ani cà ricordi di rena
Servici torna !
i me reni
ùn ani cà ricordi di reta

Piscadori p.30

Da un balconu à l’altru
i pisciaghji
si lampani u filu
di i so vuciati.
Dopu,
à unu à unu,
i appinzani
i panni brutti
di i so puttachji

Piscadori p. 32

Mì !
A Santa Lucia traghji in portu
ùn sarà nimu
à porghjali a cima ?
com’è un abbracciu di a tarra