In u centru di a Sierra de Tramuntana de Mallorca, in una valle à 525 m di altura, si scontra u santuariu di a Virgen de Lluc, chì si  ne hà ammentu in u 1246, ghjustu dopu à u principiu di a cunquesta Mallorca in l’annu 1229, è chì da tandu hè statu un locu di pelegrinaghju cuntinuu di tutte e Baleare. A fugiura di a Vergine ch’omu venereghja, negra yè di una petra fine, face 61 cm di altu, da u seculu XIV o del XV, fù curunata in u 1884 per cuncessione di u Papa Leone XIII. Lluc (da u latínu lucus "boscu sacratuo") hè u centru di a municipalità di Escorca, chì conta solu 200 abitanti, situata ind’è unu trà i siti più belli di l’isula, cupartu à boschi zeppi di lecce è pini, duv’ella ci hè a cuncentrazione di e muntagne più alte: u puig Major (1435 m), u Puig de Massanella (1352 m), u puig Tomir (1102m), u puig del Ofre (1090m), u puig Caragoler (1029m), u puig Roig (1003 m, in fondu di a maghjina)... In u ripertoriu pupulare ùn ne manca riferenze à a Madonna di Lluc:

Oh, Mare de Déu de Lluc
que vos heu feta d'endins
Entre muntanyes i pins,
an es malalts dau salut.

Hè stata dinù fonte d’ispirazione pè i pueti:

Lluc
Crucivia
U sacratu
Di a lingua
Di u locu
Figura sacra
Di a mamma fatta terra
E rinnata
Bruna d'oru vechju
Tolla impastata à storia
Munasteriu
Cuscenza naziunale
Fatta fede
Fitta è vergine
Scola l'oliu serenu
Di l'alivetu eternu
Chi incurona Mallorca
Sfida à Poghjiu Maiò
Pianta a viacruci
Cù u mare zittu è bellu

Ghjacumu Thiers. Lluc, 12.I.1998