“ IL CERVO IN ASCOLTO “ racconta di una tessitrice che in attesa del rientro del marito cacciatore ordiva al telaio un tappeto che rappresentava una selva con un cervo in ascolto, l’attesa del marito era carica di impazienza ma anche di gioia perché gli avrebbe rivelato che era in attesa di un bimbo.
Il marito non rientrò mai più, ma intanto nacque una bimba dagli occhi di cerbiatta.

A stonda
l’arretta bianca
tutta sole tutta fretu
in i mo ghjorni
cusgita
hè spechju
duv’elli voltanu tutti i stalvati
spulati per sopra à u capu
u tempu hè frombula
pè isse tolle di nustalgia.
S’o fussi in tè, o Ulisse,
mi ne stava arrimbatu
à a fica o à l’alivu,
a pelle bianca,
u tintinnume di l’anelli,
o Nausicaa.

Porghju
à l’imprubabile distinazione
a maiò parte di u dubitu
è mi tengu
a lettera
a sgrisgita di a carta tagliva
in punta di a lingua
inziccata u brusgiulu
cusì mi tengu una stonda
a sincerità di isse parolle
ch’o ùn ti aghju scrittu.

Casa aperta, spalancata
ci entre u sole à lume offertu
è ci piglia à mani sparte
surrisi è ciotta scaccani
in i lavi di l’ochji crosci.
Case longhe case zitte
Ci giranu fusi d’ombra
ci s’affosca l’onda di vite fruste
amarume senza avè gosu nunda
propiu nunda
senza avè gosu.

Meziornu in equilibriu
Cara…
e ringhere sò fresche
nant’à e masche arrimbate
nantu à platani pinzii pinzuti
nentru à e croce di e finestre
stanu meziorni in equilibriu.

« Qualsiasi sumiglia cun ghjente vive di oghje o di eri, o cun evenimenti scorsi da pocu o più landani, ùn pò esse chè u fattu di a vostra imaginazione. Casate, nomi è cugnomi sò inventati. »

L’autore.

A mula di Ciccolu.