Dae sempre

Dae sempre
carch' unu o carchi cosa
in sas isolas s'isettat...
A s'accurziare de s'ora
su passu de s'umbra s'intendet
s'alènu de sas dies
serradas a muiu in s'orizzonte
su chelu brujare
chijina e fumu de momentos
pienant s'isettu
tazzas de sidis.
Incontros mancados
cun chie tesset sa tela
inuentan sas peraulas
de unu arrejonamentu mai naschidu.
Affianzadu dae s'uitimu chìrriu de sa notte
bizo sa fughe de s'oriente.