Ponende fattu a s'oriente

Ponzende fattu a s'oriente
comente un'abe reina
ses bennida in su chelu des'ojada mia
subra sos fiores de su tempus.
Sas aias tuas isfidant sas puntas
subra sa carte inferchis giaos de lagrimas
ligas peraulas e silenzios
a su suiu de sos eventos
a su colore de sos pilos
sògas pro sas manos de Eros.
Suspesa
ti moves cumpidende su momentu
preparende s'ignòtu a un'abbrazzu.
A sa lughe dia cherrer furare
s'alenu de sa notte
frimare s'ora.
Sa Gratia de onzi die
ata fauoridu s'incontru
'manna' noa subra su desertu
pinete de oro in su fiore de sa mente
lentore de cuntentesa
subra su pasculu de su tempus.