L’Arciduca d’Austria Luís Salvador di Habsburgu stede in Mallorca pè a prima volta in u 1867 è si stallò in a Serra de Tramuntana, duv’ellu acquistò una seria di prupietà trà Valldemossa è Deià, duve Ramon Llull avia fundatu in u seculu XIII u cullegiu di lingue urientale, duv’ellu si incontra Son Marroig. Omu dutatu di grande sensibilità è di una grande cultura, sapia parlà bè alemanu, talianu, francese, castiglianu... è amparò faciule u catalanu. Gran cunnuscitore di tutte e Baleare si primurò di a so storia, a geugrafía, a cultura pupulare... è li dedicò varii libri, è trà quessi spiccanu Rondaies de Mallorca (1895), in català, i Die Balearen in Wort un Bild geschildert (1869-1891, Las Baleares descritas pór la palabra y la imagen). L’Archiduca diventò un persunagiu assai pupulare in Mallorca, ed hè sempre cusì oghje chì ghjè oghje.

Son Marroig hè un bellu esempiu di casa signurile rurale maiurchina, chì hà tenutu assai ricordi di l’ Arciduca, cumu un picculu tempiu di marmaru cù una vista splendida nantu à “Na Foradada" (rocca alta è immensa, cù un tufone à mezu, chì stà cusì, sola sopra à u mare). Ingiru sò alivi è piane, è si ne stà propiu integrata ind’è issu bellu paisaghju à punente di Mallorca.