Sutta ‘e una randa bianca
de mendula fiorida
bi sun battor pedras
a signale de una vida.
Ma deo imprendo oe a tie,
omine de calchina e de pedra,
a tie
ch’has un’isganzada’e risu siccu
che-i su ‘entu ‘e su desertu,
a tie, chi ses in sos pilos
biancu de fadiga,
chi has cimentu intro e sas ungias
e-i sas tribulias iscrittas in sa pedde.
Vivat, vivat sa pala,
su piccone, su livellu,
vivat sa lenza, sa taracia, sa palitta !
Cun punzottos, cottas e mazzittas
mudu mudu t’avvias a tribulare

Cun su telarzu ‘e giaia
costoidu sutta sa pula
onzi notte m’apparto
e tesso filos de luna.
Una notte b’hapo pintu
su ‘olu ‘e su ‘entu.
Folas nde prendo chentu
totu cun nodos de sole
ca su filu est finidu.
Cun s’ala bianca ‘e s’avreschida
e antigos cantos de amore
hapo inferzidu s’orizu.
Bi ponzo limettas de lizu
e mi so posta a furare
da-e sa bertula ‘e su tempus
alas de sonnios pintos.
Ricamos de lentore,
hapo furadu s’amore
e postu che l’hapo intro,
ca non cherzo

Chi pena l’ultima sera
chena una stella ancora !
Di soli l’ultima spera
s’è ispinta mori mori
und’abà no s’aspetta
da l’umbra paci sinzera,
illa carrera, fora.
Malincuniosu un zigarru,
chici, abali, lacatu
a banda, sminticatu
come spola di tela,
fraza una brasgia stena
e a l’appusentu rigala
lolghi di fumu in bolu,
cu la flema liceri
d’un lumu di candela.
Diventani, chissi lolghi,
specchju suai d’ammentu
cun magghjni sculuriti
di tempu di ‘ita in fiori
turat’a lu pinsamentu ;

Detimi l’accunoltu di lu pientu
chi troppi ‘olti abali m’esci a via,
candu la ‘ita no agatta assentu
e più baldanza no ha l’alligria.
Frondi chi feti musiga lu ‘entu,
detimi lu sigretu d’almunìa,
candu lu cori ha disiciu d’abbentu
palchì abbatti la malincunìa.
Sèti anninnu di notti di luna,
di spiranza dunosa lu cunsolu,
luci di stella cun pena nisciuna.
Sèti sinzeru una cadenza solu
chi boci ‘ostri accoddhi tutti in una,
canzona chi suai ha lu so’ bolu.

S’astore vagabundu
inghiriat ispantende
sas alas impedradas
de columba de nie...
dae cale nidu ‘e bentu
bolat a insambenare
sa rosa de sa ‘ucca
chi punghet pius de ispina.

No s’ischidi cale ‘entu si las giughede
cussas fantasimas a manu tenta
chi s’istana in ‘olu chenza l’ischire
subra neulas pintadas de chimeras
che i sos bisos de prima pizzinnia,
e no sunu columbas in s’aera
ma risu de ispuma d’ater’unda
cun alas de disizu isalenende
passant subra sa terra ingalenadas
cuntentas gai de vivere anneghende
intro unu mare alluttu ‘e carignos.

Drommi-ischìda ‘e amore
narami tue proite
cando ti giamo fues
e pustis già pentida
cando mi fues mi chircas ?
Tic tac ahi de su coro ispassienziàdu...
proite tue mariposa anfanera
si t’addesco ti fòscigas
pro ti lassare gioghittare ancòra
che isula dae brazzos de ispuma de mare ?
(...e nois fantasimas in carre bia
comente ismemoriados
pizzinnos inzerrados
dae violeras de giogos beraniles
nos creimus ligados
a giuale ‘e cuntierra de carignos
a doppiu nodu mortu
mancari ischende d’essere puddedros

A làmpada de luna
faghent a manu tenta
antigu ballu tundu
istellas anfaneras,
inghiriu a ojos tuos
ateru meriagu
si ponent a sestare
bisos mios de oro.