(Musique : Paghjolu Traditionnel)

Audio
Chant : Culombu

Mamma risponde nun possu
À e vostre dulente chjame
Troppu miseria aghju à dossu
È mi si rode la fame
Sò prigiuneru languente
In quella Prussia à punente.

Venissi una rundinella
Ch'eo la mandi messagera
O venga puru una stella
À purtà la mio preghera
Le mio pene è lu mio amore
Versu voi mamma d'amore.

(Paroles et Musique : Traditionnel)

Audio
chant: R. Chiorboli;
accompagnement: F. Andreani

Cinta è bella la carchera
I battaglioni maiori
Sò falati à corri corri
Lu cuntrastu scuppierà
Da l'imbrogliu furesteru,
Oghje o mai s'escerà.

Or fate sventulà sta chjoma,
Chì tantu sott'à la soma,
Per cent'anni ùn si hà da stà,
Da lu pughjale à la marina
Cantate la Pasqualina
È lu piombu salterà.

Paroles : Ghjacumu THIERS
Musique : Remi CHIORBOLI

Audio
chant: R. Chiorboli;
accompagnement: F. Andreani

Aghju pocu mintrastu
appesu à i ricordi
i platani scughjati
mi sò belli castagni
a capra tintinnaghja
stà ind’on campanile

Percò sò di Bastia
chì cura à la calata
u molu genuvese

U Mercà San Ghjisè
Piazza d'È A Marina
Montepià Paratò
San Ghjuvà U Guadè
stò in Funtana Nò
duve ride u delfinu

(Paroles et Musique : traditionnel)

Audio
chant: R. Chiorboli;
accompagnement: F. Andreani

Principià vogliu
Di u m'amore la guerra
Cun tantu orgogliu
Mi t'ai lasciatu o cara
Or di tuttu què mi spogliu
Bench'ella mi sia amara
Ùn mi pare d'esse degnu
Mancu più di vive in terra.

(Paroles : S. Casanova- Musique : Traditionnel*)

Audio
Chant : Culombu

Vurria chì la me voce
Trapanassi ogni muntagna.

Ch'ella ghjugnissi in Niolu
Risunà per la Balagna.

Ch'ella varcassi lu mare
È le fruntiere di Spagna.

(Paroles : G. Grimaldi - Musique : Traditionnel*)

Audio
Chant : R. Chiorboli
Accompagnement : F. Andreani

A morte di Filicone
Quant'ella m'hà datu pena
Sò ghjunti li cacciatori
Da lu Pricoghju d'Arena
Ancu quelli di u Fiumorbu
È di Serra di Scopamena

O quand'elli a senteranu
I cacciatori in Casinca
Ch'ell'hè mortu u mio Filicone
À lu pede di una listinca
N'hè mortu bell'onoratu
C'un cignale capu à capu

(Paroles et Musique : Traditionnel*)

Audio
Chant : R. Chiorboli
Accompagnement : F. Andreani

Seri sera mane seretta
À tè u culcone, à mè una fetta
Seri sera, serriola
Nè bastone, nè paghjola
Nè farina macinata
Per fà ci una spulendata.

In Lavasina, cusì vicina
Cusì luntana, luntana da mè,
Caru frate, ùn ci pigliate
Noi simu capre chì femu imbè !

(Paroles : Maistrale - Musique : Traditionnel*)

Audio
Chant : R. Chiorboli
Accompagnement : F. Andreani

S’è vo durmite indù le piume
Svigliate vi un pucarellu
Cantà vogliu un sirinatu
Sottu à lu vostru purtellu
Un sirinatu pumposu
Degnu di lu vostru anellu.

Canta st' anellu in la machja
Cù l' albitru muntagnolu
Hè spuntata la viola
Hè natu lu pampasgiolu,
Caccia pampana la vigna
È canta lu rusignolu

(Paroles et Musique : Traditionnel)

Audio
Chant : F. Andreani
Accompagnement : F. Andreani

O Ciucciarella
Nun sai quantu t'adoru
Le to bellezze
Le to cullane d'oru
Ciucciarella inzuccherata
Quantu hè longa sta nuttata
Fà la ninna fà la nanna
Lu to babbu hè à la campagna

(Paroles : M.F. Marchetti - Musique : traditionnel)

Audio
chant: R. Chiorboli;
accompagnement: F. Andreani

O lu trenu di Bastia
Hè fattu per i Signori
Pienghjenu li carriterri
Suspiranu li pastori
Per noi altri osteriaghji
Son affanni è crepacori

Anghjulì, lu mio Anghjulinu
Pensatu n'aghju una cosa
Quand' ellu passa lu trenu
Tira li di mitragliosa
È li sceffi chi sò dentru
Volta li à l' arritrosa!