PREMII LITERARII 2013

Hè statu un mumentu interessante issu barattu in quantu à a literatura corsa svoltu à l'occasione di una riunione in Corti di l'ultimi premii literarii. Pasquale OTTAVI hà purtatu a discussione è urganizatu a parolla trà i laureati presenti:

http://www.youtube.com/watch?v=enI2jaqRpKk

A quistione di a lingua si sà chì in e situazione di diglussia spessu impedisce a riflessione è a discussione al dilà di l'affirmazione sempre listessa ch'ellu ci vole à salvà a lingua minurizata, è chì a lingua hè sacra... Spessu si sentenu è si cunsidereghjanu issi discorsi cum'è trappule è strette chì ùn sboccanu inlocu. È issa critica custindi ùn manca nè di ghjudiziu nè di verità chì invece di parlà di u tema prupostu (quì a literatura corsa) si parla di... a lingua in periculu!

Par un prugrammu di sustegnu di a traduzzioni
                                                                                                                                              Francescu-Micheli Durazzo