E Picciotte / Les Jumelles
Eramu d’Aostu.
S’ellu c’era un paradisu terrestru, sarebbe statu quì !
Ogni facciata di casa, era un giardinu !
A glicina rampicava à nantu l’alti muri in petra secca, i so bracci carchi di fiori in caspe, turchini à viuletti, prufumati, appesi cum’è lampioni.
E malbe tendianu e so umbelle rossufocu à e finestre sbalancate, mischiendu i so prufumi piverosi à l’aromu di i tiani.
A digitale purpurea accaspava e so dite à l’orlu di e case.