ALCUDINA
Tradiziunale Zicavu

Principià vogliu à lodare
U San Petri è Veraculongu
Po ci hè Nebbiu cù la Trova
U Fraulettu à fà la prova

Funtana di Termineddi
U terminu da faccia al Pianu
Teppa Ritta fù chjamata
O da quel terminu vicinu

Sottu quel toppe di prati
Sguizzanu tanti roscelli

Sottu son pesci sarrati
È sopra pascinu l'agnelli
Li cavalli è li ghiumenti
È li boia cù li vitelli
O passendu par li Croci
U Cavallari è Pallaiolu
Sentu una sampugna rara
Chi chjamaia patre è figliolu

Intraianu in quelli selvi
O ronchi cervi è russignoli
Po c'era tanti colombi
Chi facianu tanti caroli

L'Alcudina chjama è invita
O di l'altezza nun ci hé la para
Guarda la Corsica unita
O quantu giranu terra è mari
È po quarda à Magior Segnu
È parte assai de la Sardegna