A terza parte di a cunferenza rispechja u studiu assai sminuzzatu è precisu di l’analisi di issi testi literariu. Hè cunsacratu à e figure maiò di a storia di Corsica. Arrimbatu à e so riferenze ammintate più insù, u circatore prupone à u publicu a so lettura di parechji attori di a storia corsa, attente à disciuplicà ne a parte storica reale è a significazione metaforica o allegorica. Ùn cita tutte i ritratti insignati in a tesa, ma un listinu basta à palisà ne a divizia è u significatu à tempu sociopulitica è assiulogicu.

U secondu mumentu di a cunferenza spieca u metudu è l’andatura scentifica di issa ricerca. Presenta l’arnesi di a « Sociocritica » (Claude DUCHET) è u modu di arricoglie è analizà i dati literarii cun l’affollu di discipline adatte (tematulugia, intertestualità, critica genetica). Face vede cum’ellu ci incrocia l’apporti di u « Pensà cumplessu » (Edgar MORIN) è dimostra quant’ella utile a teuria.

Ultimamente, Ghjuvan Guidu TALAMONI hà datu una cunferenza nantu à a so tesa di dutturatu sustenuta di decembre scorsu à l’Università di Corsica è rimarcata da a ghjuria cù e so felicitazione.
A presentazione di issu travagliu interessava di sicuru u publicu di u CCU è i studianti di u DU Patrimoniu, furmazione principiata hè pocu in Corti.

Ne venenu unepoche di strade ch’ellu insegna, senza dugmatisimu, pè à chì vole fà l’attore.

     Appughjendu si sempre nantu à l’insignamentu di issi dui maestri, Stalislavski è Jouvet porta più inlà a definizione di l’attore è mette in risaltu unepoche di dichjarazione di quessi custì :u teatru, misfidà si di u teatru: vene à dì ùn piglià micca e cunvenzione cumu s’elle fussinu verità. Parte da sè, ma scappa da sè stessu. L’attore principia sempre troppu prestu cù u sentimentu invece di parte da a situazione. Nantu à a scena ci vole à presentà a vita di u spiritu di l’Omu.

      Un'altra tappa di l’intervenzione hè dedicata à u metudu d’interpretazione. Avanza l’idea ch’ella ci hè una gramatica di u ghjocu di attore. Hè quessa à pudè fà accettevule tutti l’enunziati è à rende li efficaci ghjuchendu. Stanislavski hè cusì ch’ellu hà cercu à fà definiscendu una à ressu à l’altra e facultà riquiste : memoria, imaginazione, arte di u dì, sensibilità, ordine di a sensazione. Una rimarca s’impone pè D.Boissel : l’attore ùn si dirige ! Un mettore in scena, ùn hè micca un ingeniere!