Sunniighju di l’ora quand’è tù t’affaccarè
Da vicinu ti voddu fighjulà sfrisgità ti
Prufumata in tuttu di mè
Sguarda spinti è labbra sbalasgiati

Sunniighju pà issi notti solu
A pasponi socu hè una stunda strania
Hè bughju fora è in drintu pari dolu
Vultugliighju in lettu chì dismania

Sunniighju di un linzolu biancu
Di capiddi firmati à nantu
E di un omu mai stancu
Incù lu me cori t’agguantu

Sunniighju è po’ basta
Un fiatu beddu losciu
Aspitteti una casta
Un diciaraghju mai « u nosciu »

Arancinu

Sò u rossu di u focu inguernincu
Sò u giallu di u sole statinarescu

Sò u rossu di a rosula chì pugne
Sò u giallu di l’arba chì si secca

Sò u rossu di u bagu di a vaghjinata
Sò u giallu di a coria veraninca

Sò u rossu di u sangue chì corre
Sò u giallu di l’acqua impuzzata

Arancinu fattu di rossu è di giallu
Sò u culore di u serenu…
Riteni u to soffiu
Ùn dì più nunda !...
 

A l'occasione di a Ghjurnata Mundiale di a puesia, ghjovi u 21 di marzu 2013 in Alghero Antoni ARCA hà lettu "in corsicanu" u puema di Zoraida Burgos sceltu per figurà "in tutte e lingue di u mondu" in e traduzzione preparate da i Catalani.

http://diamundialpoesia.wordpress.com/aportacions/2013-2/ghjacumu-thiers

L’ultima stonda di a cunferenza sviluppa unepoche di sperienze, osservazione è riflessione di natura à impuntellà una teuria di a meccanica quantica.

A seconda stonda di u spostu hè cunsacrata à l’elementi primi di u pensà in quantu à u lume, e teurie ch’ella inghjenna issa energia è e cunsequenze in quantu à u modu di pensà u coppiu lume/energia è a pussibilità di imaginà un calculu di ciò chì si passa in a materia. U fotone, particula elementare di l’energia luminosa, hà di sicuru un postu predilettu in isse speculazione, ma ancu a custruzzione teorica chjamata tempu di Planck.

In una prima stonda di u so spostu, rimarchendu chì l’universu hè cunsideratu inchjustratu in a nostra galassia dapoi i Grechi è per cusì dì sinu à u 20 esimu, insegna tandu unepochi di fatti, cuncetti è teurie chì permettenu di visticà una riflessione nova in quantu à l’energia di u lume è e cunsequenze nantu à a vita di a scenza cuntempuranea in generale.