Sottu à u celu turchinu d’issa Corsica salvatica,
I venti cantanu una dolce meludia,
U Capicorsu, cù i so sciappali bianchi
È Canari, beculu di a mo storia.
O Capicorsu, induve u mare è u celu si scontranu,
Canari, induve i mo ricordi cantanu è campanu,
Nant’à i to chjassi, sottu à e stelle, mi ne vogu.
L’alivi murmuranu canti anziani,
In u paese, u tempu pare suspesu
E case di petre grisge, contanu i destini,
Sottu à u sole, l’istante hè spapersu.
Resilienza, forza chì cresce, di e to piaghe guarisce,
A luce splende in l'oscurità, di e to cennere rinasce.
Chè tù guarischi, o core feritu, di tanti guai,
D’issi dulori muti, d’issi pienti sulitari,
D’isse paure nutturne, d’issi dubbiti impetuosi,
D’issu pesu di u silenziu, d’isse catene, d’issi carichi.
Resilienza, forza chì cresce, di e to piaghe guarisce,
A luce splende in l'oscurità, di e to cennere rinasce.
Chè tù guarischi, anima sfrisgiata, di e to ferite,
Sottu à pini è castagni sò nata
Induv’è e muntagne in mare ciottanu
Ogni soffiu di ventu hè una melodia
Di a mo terra cara, mai ùn mi spiccaraghju.
In terra corsa vogliu sempre stà
Induv’è e stelle spampillanu
E i canti di l’acelli ribombanu
Ogni petra, ogni arburu, una storià à cuntà,
Sò d’issa terra è ci vogliu campà.
In st’isula s’infiltranu e mo radiche
E piaghje innurate, i chjassi salvatichi è e culline
Quande, in ‘ssu paisaghju sacrale, u sole si ciotta
Nant’à e muntagne è in i valli
U ventu canta secreti dimenticati.
L’anime corse sognanu di libertà,
In u so core, una brunasgiata sacrata.
O Corsica, terra di i mo antenati,
U to sognu d’indipendenza ùn si ferma di cresce.
Sottu à u sole o e stelle abbagliante
Camineremu, liberi è gagliardi.
Da i liti annurati à e zeppe fureste,
In un ballu s’uniscenu e voce.
Ogni petra, ogni fiore canta
A brama ardente di l’indipendenza.
O Corsica, terra di i mo antenati,
Sottu à u celu azuru di u Mediterraniu,
A fiera terra di Corsica, isula d’eternità,
Da e muntagne maestose à e piaghje innurate,
Conta a storia di libertà.
O Corsica, terra di passione è di fierezza,
Teni ti in tè l’anima di a libertà.
I to paisaghji, un tesoru d’eternità,
U to core batte à u ritimu di l’umanità.
I canti ribombanu in a machja salvatica
E voce di l’antenati ci guidanu à viaghjà,
Da Bastia sin’à Aiacciu, u patrimoniu
D’una terra di storia è di curagiu.
STÀ QUÌ
Sott'à u celu corsu, quand’u libecciu soffia,
Un ghjovanu sogna, u core li battia.
E muntagne, u mare, a machja, sò a so vita,
In sta terra, ellu si sente in gioia.
Terra mea, terra cara, tu sì a mo casa,
U mo core batte solu per tè.
I to culori, i to profumi, m’incantanu cù piacè,
In e to bracce, per sempre vogliu campà.
Da chjucu chjucu, l’antenati li cuntavanu
Storie di eroi, di battaglie è d’amore
A terra, a libertà, i so valori,
VENTU DI LIBERTÀ
Sottu à u celu turchinu, induv’è l’acula stantara
Un’isula ribella, un mughju in l’altezza si n’alza,
Da e muntagne à e piaghje, un stucciu di bellezza
A Corsica, a nostra terra, a nostra identità.
Ventu di libertà, soffia nant’à nostra terra,
Versu à un futuru radiosu, porta u nostru sperà.
Uniti in a lotta, seremu più forti,
Per, di a nostr’isula, l’avvene custruì.
Sampiero, Paoli, nomi incisi in i cori
Contr’à ventu è timpeste, anu lotatu per noi.
UN VENTU NOVU
Sottu à u celu turchinu isulanu,
Un soffiu novu hè natu.
Dopu à seculi di suffrenza
D’isse catene emu da liberà ci.
L’antenati ci anu trasmessu
L’amore d’issa terra benedetta
Aiò chì hè ora di ripiglià u nostru destinu in manu !
Un ventu novu soffia nant’à Corsica
Purtandu a speranza d’un altru avvene.
Inseme emu da spanticà
Un paese liberu è prusperu per sempre
E muntagne è e piaghje, u nostru mare
Seranu u beculu d’una vita nova
SUFFRENZA
In a to ombra, mi perdu
À circà u to fulgore, u to sguardu.
U mo core incatenatu spera
Di tè un chjarore, un’accinnata.
Dipendenza, dolce suffrenza
Sì u mo sognu è a mo pena.
In e to bracce m’abbandonu
Ma senza tè mi sprufondu.
Ogni silenziu hè un cultellu
Chì taglia l’aria è a mo anima,
I ricordi ardenti, ecu
Di u nostru amore, d’issa fiamma.
Dipendenza, dolce suffrenza
Sì u mo sognu è a mo pena.
