Maria : O beddi, si vedi à Sartè subra à Prubià… è u so timpacciu !
Marcedda : Sai chì cambia u tempu dopu à u soli di i vacanzi… Ah l’Italia…
Maria : Innò, hè tempu cambiarinu… Hè u branu, micca l’istatina…
Leria : Vidaremu di ghjugnu o di luddu, quandu si crepa di caldu.
Maria : Ma tandu, sibbii luddu, sibbii ancu di sittembri hè sempri tempu di ciuttà si in mari…
Leria : Eiu, s’è no falemu più inghjò, versu Pianottuli o Bonifaziu, vocu à u mari è natu l’ori sani… Ma quì, par Prubià, o Sartè…
Marcedda : Avemu capitu ! Se com’è quiddu chì dicia :
Maria : In Sartè
Marcedda : Ùn avarè mai bè !