Orezza
A pieve d'Orezza situata à u nordeste di Corsica pò esse divisa in duie parte : Orezza Suprana cù i paesi di Campana, Carchetu-Brustincu, Carpinetu, Nucariu, Pedicroce, Pedipartinu, Ped'Orezza, Stazzona, Verdese è Orezza Suttana, cū i paesi di Monaccia d'Orezza, A Parata, Piazzole, Rapaghju, Valle d'Orezza)
U cantone d'Orezza-Alisgiani hè u risultatu di a fusione imposta di l'antichi cantoni di Pedicroce è di a Valle d'Alisgiani trà u 1971 è u 1973.
E cime di u Zuccarellu
E Cime di u Zuccarellu hè un piccu à una altitudine di 942 metri situatu à u sudu di Monte à a Torra et à u levante di Monte di Tuda.
A vista in cima hè unica, à u levante nant'à u Mare Terraniu, à u nordu nant'à Bastia è u Capicorsu, à punente nant'à à u golfu di San Fiurenzu è u desertu di l'Agriate è à u sudu nant'à u Nebbiu è e muntagne di u centru Corsica.
A punta di e Caldane
A Punta di e Caldane hè una muntagna di 1724 metri situata in Cismonte chì tocca trè regione di l'antiche pieve d'Alisgiani, di u Boziu è di a Serra.
U puntu u più altu ghjunghje à 1731 metri d'altitudine, ciò chì ne face a seconda cima di u massicciu di u Monte San Petrone.
L'Alisgiani
L'Alisgiani deve u so nome à un fiumu chì scorre più di 25 km nant'à a Costa Orientale dopu
avè alimentatu una diga custruita pè l'irrigazione di a piaghja.
Sta diga hè a terza in Corsica per u voluminu di cisterna. A piève d'Alisgiani hà 9 cumune chì
sò :
• Ortale
• Valle-d'Alisgiani
• Felce
• Tarrano
• Piubeta
• Pietricaggio
• Perelli
• Piazzali
• Novale
A bocca d'Arcarotta
A parte da a Bocca d'Arcarotta, à 820 metri, si sbocca sopra è pieve d'Alisgiani è d'Orezza
A MIO CUNFINE
S’è tù voli seguitammi, è marchjà à lu mio latu
Vogliu fatti fà un giru intrà Petra Ghjusta è Pratu
Scuntrerai e vistiche chì l’antichi anu lacatu.
San Bartuli
Una longa strada sott’à i castagni è e lecce attraversa parechji paesi, paisolu è picculi fiumi cù, à mezu, a cappella di San Bartuli chì data di u XVIIesimu seculu.
À levante, u Mare Terraniu è a Costa Orientale è à ponente, i numerosi paesi di e valle d'Orezza è Ampugnani.
U 24 d'aostu, tutti l'annu, una prucessiò colla sin’à a cappella San Bartuli
E fisce PDF, e pudete fighjà quì sottu. Cù a figuretta quassù in cima di u ducumentu à dritta, puderete apre issu PDF in un’altra pagina. Cusì si pò vede nantu à u scraniu sanu.
In fondu di a pagina, una leia vi permette di telecaricà isse fisce PDF.
E fisce PDF, e pudete fighjà quì sottu. Cù a figuretta quassù in cima di u ducumentu à dritta, puderete apre issu PDF in un’altra pagina. Cusì si pò vede nantu à u scraniu sanu.
In fondu di a pagina, una leia vi permette di telecaricà isse fisce PDF.
