Terra Corsa
N°9
Pagina 58

U Campusantu

U campusantu di Aiacciu, una vera piccula cità cù e so cappelle tantu è più, era statu chjappu sottu à i bumbardamenti di a Seconda guerra mundiale. Soca cusì i morti avaranu salvatu i vivi! È i vivi ùn si ne scordanu! E capelle di famiglia sò tanti munimenti di stile baroccu, neuclassicu o più neutru. Belle curate è quasi troppu fiurite pè I Santi, isse tombe à l’usu propiu corsu facenu trà di elle chjassetti chì parenu carrughji. Hè dinù custì ch’ellu hè interratu Tino Rossi. U tempu chì passa và bè chì face sparisce i so fans, ma sò millaie è millaie quelli chì sò ghjunti in pellegrinagiu nantu à a so tomba. Tutti l’anni, i carri piantanu da chì i turisti possinu rende umagiu à quellu Aiaccinu rinumatu pè u mondu sanu.