Terra Corsa
N°9
pagina 32

Aiacciu
A bibliuteca municipale

A bibbiuteca municipale hè stata aperta in u 1868 in a parte nordu di u palazzu Fesch. Dui lioni in ghjessu tenenu l’entrata ; sò e copie, fatte da Canova, di i lioni chì sò nantu à u tumbinu di Clemente XIII in San Petru di Roma. Dopu ci hè a sala patrimuniale chì l’architettu Cazeneuve ne hà fattu a mubiglia. Hè una sala tamanta cun libri anziani : 30 m di longu è 9 di largura, alta 10 m. Prima di esse custì, a bibbiuteca era stata creata in u lucale di l’anzianu seminariu dopu prefettura. L’avia fundata u fratellu di Napuleone, Cù issi 12 310 libri à l’iniziu hè statu ellu u dunatore più maiò, ancu prima di u ziu u cardinale Fesch, chì li lasciò 8 130 vulumi.

U fondu di issa bibbiuteca cuntene 70 000 libri. U fondu anzianu hà 40 000 libri, 29 incunabili — chì sò datati da 1455 à 1500 — è 200 manuscritti chì una trentina appartene à u fondu corsu.

U manuscrittu più anzianu hè Le Roman des Déduits di Gace de la Buigne (1359) è l’incunabile più vechju A Cità di Diu di Santu Agustinu (1475).

Da unurà i so dun atori, a bibbiuteca hà decisu di urganizà una mostra. Sò state rializate 9 tele di 3 m di longu è 60 cm di altu. Ognuna hè cunsacrata à ogni dunatore:: Lucianu Bonaparte in u1801, l'abbate Marchi (1817),u cardinale Fesch (1837), Orlandu Bonaparte (1888), Federicu Bourgeois de Mercey (1887), Luigi Campi (1905), Paul uFontana, Ghjuvan Dumenicu Guelfi è po Dorothy Carrington.