Ciutadella hè a seconda cità di Minorca, à a punta nordueste di l’isula.

Miquel Ametller Caules

1u pezzu
Interrugatu nantu à i raporti trà u scrittu è l’impruvisata, Miquel Ametller Caules
principia distinguendu una è l’altra è situendu si da a banda di a “glosa improvisada” nutendu irunicamente assai più altu l’impruvisata chè a scritta chì à sente lu saria più faciule. A diferenza a vede ellu chì a scritta u scrittore a guverna sana sana invece per l’altra cumanda a stonda è u cuntestu ch’ella affacca.
Trà l’altre forme di literatura pupulare insegna sa xacra, sparta in e scole, ludica è faciule faciule. . A paraguneghja cù altri generi tutti fundati nantu à a parolla. Ne dà un esempiu, rimarca chì qualsiasi u numeru di strofe vulteranu sempre e parolle di principiu. È dopu fattu u ritornu si cambia cunsunale. Cita dinù ses codolades è ammenta i lochi di Minorca duv’ellu era praticatu assai issu modu.
Altra questione trattata in issu barattu hè quella di u postu di a creazione di pettu à quellu di a mimoria è di a ripetizione, di u riimpiegu di elementi amparati o tenuti à mente da l’impruvisatore. (mutivi, rime, parolle). Miquel Ametller Caules, cum’è prima, risponde cun esempii cunreti, un stalvatoghju duve l’impruvisatore hè ubligatu, per via di l’intervenente chì manca di fà pazientà un publicu cantendu ùn sò quantu accumpagnatu da u sunatore chì ùn ne pò più: “"Ametller, hauríem d’aturar, que tenc es cap des dits que me treuen sang."

2ndu è 3u pezzu

Dopu à dumande nantu à a forma è a natura di e repliche, u pueta impruvisatore face risposte duv’ellu marca a parte di l’invenzione è quella di figure ripetute cum’è, per indettu “ses espines al Bon Jesús” chì si imponenu da l’usu...
Interrugatu à l’ultimu nantu à u futuru d’isse forme tradiziunale, Miquel Ametller Caules dice quant’ellu hà cunfidenza di vede le tramandà torna un bellu pezzu trà mezu à giovani è a ghjente chì ci si indieghja tutti i ghjorni.