Tutte l'epuche di stu seculu anu avutu a so canzona, u so publicu passiunatu. Tanti generi è autori vani, tanti gusti è sensibilità differenti si sò successi per dà a so impronta à ogni stonda chì passava,

Quale hè u Corsu chi ùn si sia innamuratu di

« Stammi vicina ùn ti n 'andà ti tengu cara
Soca l'ùn senti cum 'ellu trema lu me co re... »

Quale hè chi ùn averà cantichjatu

« Barretta misgia bella incalfata
Cù la mio pippa sempre imburrata... »?

è fischjulatu :

« In faccia à lu fucone cinderosu
Chi face piu fu Iena ch 'è calore... »?

E quand'ellu hè ghjuntu l'ultimu rinnovu, quellu di u 70, a Corsica s'hè pigliata di passione pè :

« A mio culomba messagera
Chì parte per longu viaghju... »

Quandu chì l'arte di Poletti cuppiò cù e rivuccate rusinche.

Ma prima ch'elle fussinu canzone di pueti è di musicanti, canzone d'esiliu è canti di lotta à sparghjesi cù u discu o cù a scena, c'era un'antra forma di cantu, quellu di a vechja tra­dizione. A' quandu era chjosu in un paese solu, à quandu era spartu in l'isula sana.

lssu cantu, à tempu à u so valore artisticu esteticu, avia una funzione, era utule, era fattu per ghjuvà. Vale à dì chì a nanna addurmintava u ciucciu, u serinatu facia innamurassi a giuva­notta è u lamentu appaciava u dulore di quellu chì ghjera afflittu, banditu, suldatu o parente di u mortu.

Sentimulu dunque ride è pienghie, strazià è arrabbiassi, scherzà è vindicassi u populu corsu in u so cantu tradiziunale.

U primu scopu di u cantu hè statu di stabilisce u cuntattu cù e putenze sopranaturali, ci vulia à scunghjurà i dimonii, quelli di fora è quelli di nentru. Hè per quessa chì i primi canti sò stati l'in-canti, l'incantesimi tuccava à alluntanà a paura di a miseria di a scumunica, di a sdilliccia.

Dice Jules Combarieu, un vechju musicologu francese, in un libru intitulatu « La musique et la magie » ch'ellu s'aduprava l'incantesimu per bisognu, è chì s'ellu ci hè bisognu vole dì ch'ella ci hè a mancanza, a privazione, a suffrenza. Hè in issu sensu, dice Combarieu, chì a musica pò esse cunsiderata cum'è figliola di u dulore, o per dì megliu, cum'è figliola di a speranza.

Ghjermana De Zerbi (1992) Cantu corsu, Cyrnos et Méditerranée, Ajaccio