Eo hapo presse de decifrare

Eo hapo presse de decifrare
sa filighe
in s'ojada tua
calma.
In sas oras
passadas
faghimu nos
una vida
hapo bisonzu eo
de unu tempus
selvaticu
chi m'ispuntat
intro sas manos
hapo bisonzu
cras manzanu
de unu silenziu imbenujadu
e de sos portellittos de ventana
tra s'umbra e sa non umbra
de su reposu
affacca a su pettus sou
pro torrare a istabilire
inghiriu a nois
sa misura
ritmada
de nois duos