T’addolimat

T’addolimat, como
brigare sas campanas de s’intragna,
daghi unu tunciu jaru
s’ammisciat a s’ispuma ‘e s’adiosu.

 

Friscas umbras maneaniles
ghian su debile rizolu,
galu drommidu
acurtzu a sas laras tuas.

Una raglia de muros
faddire at fatu derrutas de ausentzia
chi nidan in s’iscuru de s’alipedde ‘
de miradas malas.

Sighis in s’àndala de sas dies,
leadu dai sa mutria iscura
chi dispidit su nieddore
de s’idea frita tua.

T’avias in su piuere
iscurigosu de s’olvìdu
pro s’istremutu aparu
de unu arrolu chi t ‘infelchit .

Palpas su nieddore bìdrinu
e su mudine sou
e sas raighinas de s’umbra
chi immannat su segretu.

Palpas s’iscuru,
s ‘umbra de s’iscuru,
s’umbra de s’umbra
immannat su mudine .

Pregadorias de muros.