Ragiunata
L'amichi di Calvi. Ascultà i dialoghi

Ascultà i dialoghi. Ripeta i frasi

Ghjuvan Paulu : - Dici chì Nabuliò, quand’iddu era solu Bonaparte, à Paoli l’ammiraia è u tinia ancu caru.
Lucia : - A dicu è a mantengu : ùn erani micca listessi visti : unu fighjulaia a Corsica è quidd’altru u mondu...
Francesca : - In tutti i maneri, oghji sò tremindui una parti accichenti di a noscia storia.
Ghjuvan Paulu : - S’idda mi riesci da quì à qualchì mesi, vidareti un spittaculu chì i metti in scena. Omu ci travadda in Corti è in Aiacciu. Si hà da chjamà : "Paoli è Nabuliò".

Ghjuvanni : - Eccu l’amichi ch’e vi aghju dittu. Petru è Maria. Petru studiighja in Sassari è Maria travadda incù una sucità di turisimu di Palma.
Petru Maria : - Palma ? Qualissa ? Di Maiorca ?
Maria : - Propiu quissa. Palma di l’Isuli Baleari. L’agenza di viaghja "Corsicala" prova à apra una ligna diretta Palma-Aiacciu. S’è no riiscimu, sarà un passa è veni tuttu l’annu trà l’isuli.