UN FORUM DI E SCENZE UMANE È DI L’ARTE

S’è vo passate in Sardegna, u Prugrama « Significante » di l’Associu Figli d’Arte Medas vale propiu a pena à cansà si…

significante.figlidartemedas.org
web@figlidartemedas.org

Significante

Eccu dui puemi di u nostru amicu è currispundente Lino Angiuli. Ci ne dice unu “nel dialetto parlato a Valenzano (Bari)” à l’occasione di a Ghjurnale Mundiale di a Puesia celebrata u 21 di marzu. State lu à sente custì:

L’acellu di Focu
Lucia Thiers
Sturietta pè i zitelli da 4 à 6 anni.
L’acellu di focu hà chjappu u volu, partendu da ind’è u strigone.
Ci vulerà ch’ella entri in ballu a fata da pudè compie bè tuttu tuttu,
cun piacè , cun musica è canzone.

Prezzu 8,00
ALBIANA-CCU, 2013
24 pagine
ISBN : 978-2-8241-0361-7

Sunniighju di l’ora quand’è tù t’affaccarè
Da vicinu ti voddu fighjulà sfrisgità ti
Prufumata in tuttu di mè
Sguarda spinti è labbra sbalasgiati

Sunniighju pà issi notti solu
A pasponi socu hè una stunda strania
Hè bughju fora è in drintu pari dolu
Vultugliighju in lettu chì dismania

Sunniighju di un linzolu biancu
Di capiddi firmati à nantu
E di un omu mai stancu
Incù lu me cori t’agguantu

Sunniighju è po’ basta
Un fiatu beddu losciu
Aspitteti una casta
Un diciaraghju mai « u nosciu »

Arancinu

Sò u rossu di u focu inguernincu
Sò u giallu di u sole statinarescu

Sò u rossu di a rosula chì pugne
Sò u giallu di l’arba chì si secca

Sò u rossu di u bagu di a vaghjinata
Sò u giallu di a coria veraninca

Sò u rossu di u sangue chì corre
Sò u giallu di l’acqua impuzzata

Arancinu fattu di rossu è di giallu
Sò u culore di u serenu…
Riteni u to soffiu
Ùn dì più nunda !...