Casa aperta, spalancata
ci entre u sole à lume offertu
è ci piglia à mani sparte
surrisi è ciotta scaccani
in i lavi di l’ochji crosci.
Case longhe case zitte
Ci giranu fusi d’ombra
ci s’affosca l’onda di vite fruste
amarume senza avè gosu nunda
propiu nunda
senza avè gosu.

Meziornu in equilibriu
Cara…
e ringhere sò fresche
nant’à e masche arrimbate
nantu à platani pinzii pinzuti
nentru à e croce di e finestre
stanu meziorni in equilibriu.

Case troppu viste è basgi troppu praticati
isse tumette pulite lucciche cum’è labre
senza amore daretu à e palpetre fruste
case chjose cum’è tendoni.

Luntanu case gabbie inchjodanu u core.