SPASSIGHJATA IN SAN PETERSBORGU

Issa meditazione -vulsuta? accaduta senza vulè la?-  ùn hà impeditu nunda quand’è no fecimu una d’isse scappate utilissime è creative assai in i varii lochi di u territoriu INTERREG. Quessa custì fù spassighjata splendida chì messe à vicinu tante arte è lingue...

 (Leghje, sente è ripete a robba in appicciu)

NUSTALGIA... UN MALE, UN BÈ, O UN RITRATTU?

Sempre cun primura di accuppià a nuzione di u Riacquistu. –spessu aduprata senza precisione nè cuncretu- purteremu robba urale è scritta chì insegnanu e pussibilità, e prove, i risultati d’issa nuzione in particulare in u campu di l’attelli creativi sculari o altri...Ind’è sta messa a ghjornu, eccu una meditazione studiantina di l’anni 2010. A vulemu chjamà “prosa puetica”?-

L’associu di u CCU riceverà cun piacè ciò chì i lettori di www.interromania.com ci vuleranu mandà.

(Leghje stu racontu)

DANSE LILITH-BALLA LILITH

Iss’opera puetica di Denisa CRACIUN rapresenta spressione culturale chì si ritrovanu è cumunicheghjanu inseme cun barattu di lingue è traduzzione puetica. Issa racolta ci ramenta Cennare è focu di ogni vita. Quessu era un libru di puema publicatu in Corsica in u 2006, chì tandu Denisa era studiante in Corti. Si pò figurà omu quant’elli sò, oghje chì ghjè oghje, i prugetti cun Denisa, l’Università di Cluj-Napoca è quella di Clermont-Ferrand duv’ella face ricerche postdutturale ....

QUATERNI TEATRINI

Semu lecchi, Un paese da sfà, Vita d’un anarchistu corsu?

Issi trè tituli, quasi quasi puderianu esse e trè parte di un’analisi etnulogica,  sociulogica, psiculogica o psicusuciulogica... Umbèh, assai ne sò eiu... Andate à sapè voi s’è l’autore ùn ci annunzia custì ch’ellu s’appronta à presentà un prugrama puliticu pè a squatra ch’ellu purteria à e prossime elezzione... Merà, tuttu hè pussibule oghje ghjornu...Sarianu trè parte di un custattu? 1) Semu lecchi: bilanciu pessimistu di una trafalata definitiva, 2) Un paese da disfà: Sfocu arrabbiatu è po’ in 3) Vita d’un anarchistu corsu: Ripigliu in manu di una situazione cù un prugettu libertariu per tutti ed ognunu di noi?L’amicu Paulu ci faria sente cusì cum’ellu hè prontu ellu à indià si è dirige issu muvimentu custindi?

 (Si leghjinu dui filari inquant’à issa publicazione nova)

CATHY è PATRIZIA: LINGUA, PUESIA, CANTU

Cathy CAMPANA ..‘La sgià benedica!... hà sappiutu urganizà tanti appuntamenti settimanali dedicati à a lingua nustrale è e so spressione di tutti i ghjorni è di tutte l’arte! È noi, disgraziati ùn ci la femu à fà riassuntu di tuttu! Ma guardate chì mughjà, ùn ci mughja micca... Isse stonde sò mumenti chì campanu tutti quelli chì ci venenu è po’ l’altri ch’ùn la ci facenu! Dunque, eccu duie cose è ch’ella ùn li pigli nè azizume nè malvulè à chì ùn ci pò esse à vede è sente!

 (Lighjimu, vidimu è sentimu)