PUBLICAZIONE NOVE

È fà è fà, dopu à tanti ritardi, si ghjunghje à cuncretizà i prugrama previsti è cunfidati pè e forme edituriale, à l’arte oramai bella diviziosa di L’edizione ALBIANA-CCU. Turneremu à sfuglittà iss’opere ch’è no presentemu in furia in furia. Ma oghje, un ochju ci lamperemu...

- BONANOVA n°44, duv’è no vi dumandemu dinù di perdunà un sbagliu (“L’indipendenza di l’idrogenu” l’hà scrittu Paula BUSSI! Tante scuse!!!

- Donne torre di M.L.CALLIGARI,

- Seranu puesiole? La traversée du désert di P.GATTACECA,

F.CRASTES: UNA STONDA PER NURIA

Fabienne CRASTES, prufessora è tradutrice chì hà riunitu è accoltu autori è traduttori trà catalanu, corsu è francese hà messu in lume tutte e relazione ch’omu pò scopre trà isse lingue, culture è estri creatori, in issa pezza teatrale

A rubrica SCUNFINI di BONANOVA n°44 l’illustra benissimu cun NURIA di  Stefanu MICHAKA.

(Fighjate a videò è lighjite à tempu i scritti)

SERANU PUESIOLE ?

Oghje chì ghjè oghje spessu ùn si sà dì s’ella sbuccia di prima e parolle o a musica quand’ellu si tratta di puesia cantata... Patrizia insegna chì puema è cantu ùn sò mai stati spiccati ind’è noi.

Per ella – è inquant’à mè, per tutti noi- si và sempre sempre da unu à l’atru senza piantà. Seranu Puesiole ? aggruppa  l’ultimi cinque albums DVD ch’ella fece esce. I spieca è ci si pò leghje –è campà si !- fighjendu ancu e traduzzione.  Parolle ch’ellu’ùn si pò alluntanà troppu da u so ghjembu sunoru...

Puesia, cantu musica, teatru: Patrizia mai pianta: eccu la in Livia l’altru ghjornu

(Fighjate i testi scritti, cumpresu Corse-Matin)

DONNE TORRE:... SENTINELLE ARDITE,

E chjama cusì Maria Lucia CALLIGARI... Nata è allevata in Castagniccia, oramai hè prufessora di Lettere muderne. Cursofuna da sempre hà crisciutu è allargatu l’usu di a lingua corsa, in iscola è po’ ancu in a so pratica d’attività culturale. Indiata pè u sviluppu di l’insignamentu bislingu face ancu attelli di scrittura è ghjocu teatrale. A scrittura literaria in prosa l’hà tocca è praticata propiu sempre da unepochi d’anni. Stu Done Torre porghje nuvelle chì dicenu quant’ellu si pò gode è sperà di u so talentu.

.(Leghje a presentazione di Maria Lucia è a nuvella SIGNATORA)

SPASSIGHJATE TRÀ ARTE, TEMPU È VITA

Cum’ella a face sempre, Mariella CLEMENTI hè sempre à spassighjà! Da un locu à l’altru chì si campa –è à noi dinù!- à arreghje isse stonde (panorama, visione, impressione, ore varie nantu à a terra, u celu è l’acqua) ch’ella sà vede è caratterizà. È po’ ne face opere plastiche è literarie chì passanu da sognu à vista vera. È quessa, vale per tutte l’età! Ci offre 80 ANNI DI U PRINCIPELLU è UN BASGIU DA MARIELLA...

.(Fighjà, sente è leghje à tempu)

CATHY: LINGUA, PUESIA, CANTU

 (Lighjimu, vidimu è sentimu)

Cum’ella  si sà da un bellu pessu, imparà a lingua corsa ùn si pò privà di tutti i modi d’issa spressione. Cantu è musica, qual’elli sianu forme è tempi ind’è noi sò sempre andati appaghjati... Ùn si rimpiazzarà unu da l’altru, ma ghjuvendu si di tremindui hè valore è piacè per tutti ( à chì dice, à chì canta, à chì sona è... à chì cumpone.  Cathy CAMPANA accoglie è si face via... Issu sabatu era quellu di Didier FIGARELLA..