ECCU U MO CUMPLIMENTU SCRITTU IN UMAGGIU À U NOSTRU INVITATU. SERÀ PUBLICATU IN INTERROMANIA, U SITU DI Ghjacumu Thiers di L'Università di Corsica Pasquale Paoli  (CCU) PER GHJOVÀ À L'AMPARERA DI A LINGUA CORSA.

 

Scontru culturale in caffè cū Didier Figarella

 

I nostri scontri piacenti

Sò guasgi tutti sfarenti

Anu però in cumunu

Ciò ch'ellu porta ognunu

Un'apprezziata ricchezza,

A so grande gentilezza

 

Oghje Didier Figarella

Nativu di ... Figarella

Un paese di cantadori

Esperti o amatori

Vene cù a mandolina

A cumpagna cristallina

 

In cantu s'hè alevatu

Cù un gruppu rinumatu

L'hà praticatu in famiglia

Ghjera una maraviglia

Ne hà assai rigrettu

Ci pensa cun tant'affettu

 

Hè diventatu artistu

È po dinò spezialistu

Musicante di mistieru

Ne pò esse ancu fieru

L'insegna à li maestri

Citatini o campestri

 

Hà scrittu Sè Diu vole

Dedicatu à e figliole

Cū cusì bella scrittura

Ch'ellu deve à la lettura

Di i soi conta la storia

Un dovere di memoria

 

Issu libru hè cumuvente

Chì tocca tantu a ghjente

Colmu d'amore filiale

È di speranza cruciale

Segnu chì Diu hà vulsutu

È l'hà purtatu aiutu.

Cathy Campana 20/5/23