Versione :
Corsu

Un' età d'oru di a literatura corsa? - Alanu Di Meglio lettura da A.Secondi

Un età d'oru di a literatura corsa?

Anthony Secondi era staziante IUFM in CAPES di corsu quand'ellu lesse « Negritù » di A.Di Meglio .

NEGRITÙ
 

Alanu DI MEGLIO

 

For di i banchi pruibiti
Senza stantari nè cristi
Canti tù
I to ghjesgi sò di ghjenti
Trà muri d’aria è di ventu
Baddi tù
Dendu fiatu à i to virtù
Negritù

Trà li campi di bambaccia
Trà staffilati è culpacci
Schiavitù
Ghjimbu, cogli a bianca inghjulia
U cuntrastu pè battaglia
Soffri tù
Dendu fiatu à i to virtù
Negritù

In cappelli di piddagni
Moses, Gesus o cumpagni
Lodi tù
I to cridenzi landani
Tinti d’Africhi luntani
Mischji tù
Dendu fiatu à i to virtù
Negritù

In li notti bughji neri
In li tempi à scuri sfieri
Mori tù
I sugnacci ti sò in biancu
Voli scunghjurà l’aggrancu
Curri tù
Dendu fiatu à i to virtù
Negritù

I palmi ver di u celu
Ochji chjusi u to gospellu
Preghi tù
Dendu fiatu à i to virtù
Negritù