Mirade su 'eranu impomparesi
sutta de sos chelos chittulanos
intendide ispuntare sas suas serenadas
in su ninnare dulche de sa notte

E intro su coro tou buliat una ondada
cun su sou istranu inghiriare
abbojada s'isponda pro narrare
sa paristoria chi no cheret morrere

Sas camineras sunt trobojadas
ma tottu torrant a sa cantonada de s'atera
proite sa terra tua ti la trazzas

E in mesu a su pedramene
pro sa torrada tua
fiorint tottu sas primas violas