Mi dici...

Mi dici ch’è tù ùn sai
ciò ch’ellu hè l’amore.
A passione chì ricolla
fin’à e surgente
di u to esse, fin’à l’alba
di a cuscenza.
Chì ti punghje, è t’allusinga.
Ti accarezza
è ti abandona
è u to esse hè inquietu
fin’à ind’e viscere prufonde.
È u tarlu di u dubiu
t’assalta
è cerca cunferme
in ogni anfrattu di l’anima...
T’imbriaca cum’è vinu
è soffii, è ridi,
è sì malatu drentu à i muri
di u to sintimu. Finchè u sole
non illumina e to stizze
è stai cusì, sudesfu,
in attesa
di a nova ansia chì ghjè in tè
è ùn ti lascia mai.