A memoria straccia a sulitudine.
A distrughje cum’è un ovu puzzicu.
U so viaghju ùn risponde ad a crepa.
Ùn palesa u volu pruibitu
nè l’ochji, chì soli aspettanu.

A voce nutturna di i muezini
si lampa in u viotu senza un diu
chì si pesi pè issa bocca cava.
Augura u fretu di l’attrachjata.

Caminemu inseme ver’di a notte.
Un adisperu mutu ci accumpagna.

Pensemu à l’origine di l’alba
è à u stintu chì parla quandu
tuttu hè silenziu.
Inventemu u hammam impussibule.

Hè l’ora.
Purifichemu ci di l’angunia
chì alimenta a rabia velata
è u disamore quandu, puru puru, torna
a parolla.

(Da u libru ineditu Orillas)