puderiamu fà l’amore. podasse u faremu.

in l’aria chì ci separa
l’azardu hè surpresa.

a giuventù sarà disturbu ?
strascina a vita à pian’terrenu.

u ventu muverà e rambelle
podasse qualchì sera.
a notte hè fresca fresca,
è a casetta chì ci agrotta hè calca calda.

puderiamu fà l’amore. podasse u faremu.
ci hè tanta vita in u ragionu.
è u piattu, in tavula, hè servitu, è aspetta...
ti spaventa u sessu?
ciò chì face paura hè l’amore.

chì dimoniu hè piattu trà mezu à e lettere?